By ByndoorchiZalak, 25 April 2025
ಬೈಂದೂರ್: ಮೇ 1 ತಾರೀಕೆರ್ ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ ಆಪ್ಲ್ಯಾ ಯಾಜಕೀ ದೀಕ್ಶೆಚೊ 25 ವರ್ಸಾಂಚೊ ರುಪ್ಯೋತ್ಸವಾ ಸಂದರ್ಭಿ ಫಿರ್ಗಜ್ ಗೊವ್ಳಿಕ್ ಮಂಡಳಿ, ಫಿರ್ಗಜ್ ಸಂಘ್-ಸಂಸ್ಥೆ ಆನಿ ಸರ್ವ್ ದೇವ್ ಪ್ರಜೆನ್ ವಿಗಾರ್ ಬಾಪಾಂಕ್ ಉಲ್ಲಾಸ್ ಪಾಟಂವ್ಕ್ ಜುಬ್ಲೆವಾಚೊ ಸಂಭ್ರಮ್ ಮಾಂಡುನ್ ಹಾಡ್ಲ್ಯಾ. ಹ್ಯಾ ರುಪ್ಯೋತ್ಸವ್ ಸಂಭ್ರಮಾಕ್ ಸರ್ವ್ ಫಿರ್ಗಜ್ಗಾರಾಂಕ್ ಆನಿ ಪ್ರತ್ಯೇಕ್ ಜಾವ್ನ್ ಪರ್ಗಾವಾಂತ್ ವಾವ್ರ್ ಕರ‍್ಚ್ಯಾ ಫಿರ್ಗಜ್ಗಾರಾಂಕ್ ಆಪೊವ್ಣೆಂ ದೀವ್ನ್ ಸರ್ವಾಂನಿ ಹಾಜರ್ ಜಾಂವ್ಕ್ ಫಿರ್ಗಜ್ ಗೊವ್ಳಿಕ್ ಮಂಡಳಿನ್ ಆನಿ ಸರ್ವ್ ದೇವ್ ಪ್ರಜೆನ್ ವಿನಂತಿ ಕೆಲ್ಯಾ.
ಸಕಾಳಿಂ 10 ವೊರಾರ್ ಸಂಭ್ರಮೀಕ್ ಮೀಸಾಚೆ ಬಲಿದಾನ್, ಉಪ್ರಾಂತ್ ಫಿರ್ಗಜೆಚಾ ಸಮುದಾಯ್ ಭವನ್ ಹೊಲಾಂತ್ ವಿಗಾರಾಕ್ ಉಲ್ಲಾಸ್ ಪಾಟಂವ್ಚೆ ಕಾರ್ಯಕ್ರಮ್ ಆಸ್ತಲೆಂ. ಹ್ಯಾ ಜುಬ್ಲೆವಾಚಾ ಸಂಭ್ರಮಾಕ್ ಉಡುಪಿ ದಿಯೆಸೆಜ್ ಗೊವ್ಳಿ ಬಾಪ್ ಅ| ಮಾ| ದೊತೊರ್ ಜೆರಾಲ್ಡ್ ಐಸಾಕ್ ಲೋಬೊ ಹಾಜರ್ ಜಾತಲೆಂ.