By ByndoorchiZalak, Pics: Lawrence Fernandes, 20 April 2025
ಬೈಂದೂರ್: ಗೆಲೆತ್ಯಾ ಆಕ್ತೋಬರ್ ಮಹಿನ್ಯಾಂತ್ ಯಾಜಕೀ ದೀಕ್ಷಾ ಜೊಡುನ್ ಬೈಂದೂರ್ ಫಿರ್ಗಜೆಕ್ ಪಾಟ್ಲ್ಯಾ 8 ಮಹಿನ್ಯಾಂನಿ ದಿಯಾಕೊನ್ ಆನಿ ಸಹಾಯಕ್ ವಿಗಾರ್ ಜಾವ್ನ್ ವಿವಿಧ್ ಅತ್ಮೀಕ್ ಸೆವಾ ದೀವ್ನಾಸ್‍ಲ್ಲೊ ಬಾ| ಜೊಸ್ವಿನ್ ಪಿರೇರಾ ಆಪ್ಲ್ಯಾ ಮುಕ್ಲ್ಯಾ ಮಿಸಾಂವ್ ವಾವ್ರಾಕ್ ಆನಿ ಉಂಚ್ಲ್ಯಾ ದೈವಿಕ್ ಶಿಕ್ಪಾಕ್ ಬೆಂಗ್ಳುರಾಕ್ ವೆಚಾ ಸಂದರ್ಭಿ ಪಾಸ್ಕಾಂ ಫೆಸ್ತಾಚಾ ಸಂಭ್ರಮೀಕ್ ಮೀಸಾ ಉಪ್ರಾಂತ್ ಸರ್ವ್ ಫಿರ್ಗಜ್ ಲೊಕಾನ್ ಬಾ| ಜೊಸ್ವಿನ್ ಪಿರೇರಾಕ್ ಮೊಗಾಚೊ ವಿದಾಯ್ ಮಾಗ್ಲೊ. ಬಾ| ಜೊಸ್ವಿನ್ ಪಿರೇರಾನ್ ದಿಲ್ಲ್ಯಾ ಸೆವೆಕ್ ವಿಗಾರಾನ್ ಫುಲಾಂಚೊ ತುರೊ ದೀವ್ನ್ ಆನಿ ಶೊಲ್ ಪಾಂಗ್ರುನ್ ಉಪ್ಕಾರ್ ಬಾವುಡ್ಲೊ. ಸಾಂಗಾತಾ ಸಿ| ಆನ್ಸಿ ಪಾವ್ಲ್ ಆನಿ ಫಿರ್ಗಜ್ ಮಂಡಳಿ ಉಪಾಧ್ಯಕ್ಷ್ ಸ್ತೆಫಾನ್ ಡಾಯಸ್, ಕಾರ್ಯದರ್ಶಿ ವೀಣಾ ಫೆರ್ನಾಂಡಿಸ್, 21 ಆಯೋಗಾಚಿ ಸಂಚಾಲಕಿ ಅನಿತಾ ನಜ್ರೆತ್ ಹಾಣಿಂ ಫುಲಾಂಚೊ ತುರೊ ಆನಿ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಬಾ| ಜೊಸ್ವಿನಾಕ್ ಬರೆಂ ಮಾಗ್ಲೆಂ.
