By ByndoorchiZalak, Pics: Lawrence Fernandes, 09 Mar 2025
ಬೈಂದೂರ್: 2024-25 ವರ್ಸಾಕ್ ಕ್ರಿಸ್ತಿ ಶಿಕ್ಷಣ್ ಜೊಡ್‍ಲ್ಲ್ಯಾ ಭುರ್ಗ್ಯಾಂ ಥಾವ್ನ್ ಆನಿ ಶಿಕ್ಷಣ್ ದಿತಲ್ಯಾ ಶಿಕ್ಷಕಾಂ ಥಾವ್ನ್ ಕ್ರೀಸ್ತಾಂವ್ ಶಿಕ್ಷಣಾಚೊ ದಿವಸ್ ಆಯ್ತಾರಾ, ಮಾರ್ಚ್ 9 ತಾರೀಕೆರ್ ಸಕಾಳಿಂ ಆಚರಣ್ ಕೆಲೆಂ. ಕ್ರಿಸ್ತಿ ಶಿಕ್ಷಣ್ ಜೊಡ್‍ಲ್ಲ್ಯಾ ಭುರ್ಗ್ಯಾಂ ಸಾಂಗಾತಾ ಆನಿ ಶಿಕ್ಷಕಾಂ ಸಾಂಗಾತಾ ಸರ್ವ್ ಲೊಕಾಂನಿ ವಿಗಾರ್ ಮಾ| ಬಾ| ವಿನ್ಸೆಂಟ್ ಕುವೆಲ್ಲೊ ಆನಿ ಬಾ| ಜೊಸ್ವಿನ್ ಪಿರೇರಾ ಸಾಂಗಾತಾ ಸಂಭ್ರಮೀಕ್ ಮೀಸಾಚೆ ಬಲಿದಾನ್ ಭೆಟಯ್ಲೆಂ. ಉಪ್ರಾಂತ್ ಫಿರ್ಗಜೆಚಾ ಮಿನಿ ಹೊಲಾಂತ್ ಚಲ್‍ಲ್ಲ್ಯಾ ಕಾರ್ಯಕ್ರಮಾಂತ್ ವಿಗಾರ್ ಮಾ| ಬಾ| ವಿನ್ಸೆಂಟ್ ಕುವೆಲ್ಲೊ, ಬಾ| ಜೊಸ್ವಿನ್ ಪಿರೇರಾ, ಕೊವೆತಾಂಚಿ ಧರ್ಮ್ ಭಯ್ಣ್ ಸಿ| ಆನ್ಸಿ ಪಾವ್ಲ್ ಫಿರ್ಗಜ್ ಮಂಡಳಿ ಉಪಾಧ್ಯಕ್ಷ್ ಸ್ಟೀಫನ್ ಡಾಯಸ್, ಕಾರ್ಯದರ್ಶಿ ವೀಣಾ ಫೆರ್ನಾಂಡಿಸ್ ಆನಿ 21 ಆಯೋಗಾಚಿ ಸಂಚಾಲಕಿ ಅನಿತಾ ನಜ್ರೆತ್ ವೆದಿ ಕಾರ್ಯಕ್ರಮಾಂತ್ ಹಾಜರ್ ಆಸ್‍ಲ್ಲೆಂ.
ಸಗ್ಳ್ಯಾ ವರ್ಸಾಂತ್ ದೊತೊರ್ನಿಚಾ ಕ್ಲಾಸಿಕ್ ಚುಕಾನಾಸ್ತಾನಾ ಹಾಜರ್ ಜಾಲ್ಲ್ಯಾ ಆನಿ ದೊತೊರ್ನಿಚಾ ಪರೀಕ್ಷೆಂತ್ ಬರೆಂ ಅಂಕ್ ಜೊಡ್‍ಲ್ಲ್ಯಾ ವಿದ್ಯಾರ್ಥಿಂಕ್ ಇನಾಮಾಂ ವಾಂಟ್ಲೆ. ಕ್ರಿಸ್ತಿ ಶಿಕ್ಷಣ್ ದೀವ್ನ್ ಸೆವಾ ದಿಲ್ಲ್ಯಾ ಶಿಕ್ಷಕಾಂಕ್ ವಿಗಾರಾನ್ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಶಿಕ್ಷಕಾಂಚೊ ಉಪ್ಕಾರ್ ಬಾವುಡ್ಲೊ. ಕ್ರಿಸ್ತಿ ಶಿಕ್ಷಣ್ ಜೊಡ್‍ಲ್ಲ್ಯಾ ಭುರ್ಗ್ಯಾಂ ಥಾವ್ನ್ ವಿವಿಧ್ ಮನೋರಂಜನ್ ಕಾರ್ಯಕ್ರಮ್ ಚಲ್ಲೆಂ. ಕಾರ್ಯಕ್ರಮಾಕ್ ಕ್ರೀಸ್ತಾಂವ್ ಶಿಕ್ಷಣ್ ಆಯೋಗಾಚಿ ಸಂಚಾಲಕಿ ಆಶಾ ಲೋಬೊನ್ ಸ್ವಾಗತ್ ಕೆಲೆಂ ಆನಿ ಜ್ಯೋತಿ ಕ್ವಾಡ್ರೊಸಾನ್ ಕಾರ್ಯಕ್ರಮ್ ಚಲವ್ನ್ ದಿಲೆಂ.
