By ByndoorchiZalak, Pics: Lawrence Fernandes, 26 Feb 2025
ಬೈಂದೂರ್: ಫಿರ್ಗಜ್ ಪಾತ್ರೊನ್ ಭಾಗೆವಂತ್ ಖುರ್ಸಾಕ್ ಮಾನ್ ಕರುನ್ ಫಿರ್ಗಜೆಚಾ ಸರ್ವ್ ಲೊಕಾನ್ ವ್ಹಡಾ ಸಂಭ್ರಮಾನ್ ವ್ಹಡ್ಲೆಂ ಫೆಸ್ತ್ ಆಚರಣ್ ಕೆಲೆಂ.
ಬೆಸ್ಪಾ ದಿಸಾ ಪವಿತ್ರ್ ಸಾಕ್ರಾಮೆಂತಾಚೆ ಆರಾಧಾನ್ ಆನಿ ಸಾಕ್ರಾಮೆಂತಾಚೆ ಪುರ್ಶಾಂವ್ ಕರುನ್ ಭಾಗೆವಂತ್ ಖುರ್ಸಾಕ್ ಮಾನ್ ಭೆಟಯ್ಲೆಂ. ಜೆಜ್ವಿತ್ ಯಾಜಕ್ ಬಾ| ವಿಲ್ಸನ್ ಸಲ್ಡಾನ್ಹಾ ಸಾಂಗಾತಾ ಸರ್ವ್ ಫಿರ್ಗಜ್ ಲೊಕಾನ್ ಭಕ್ತಿಪಣಿಂ ಮಾಗ್ಣೆಂ ಭೆಟಯ್ಲೆಂ. ಆಜ್ ಮಂಗ್ಳಾರಾ ಸಕಾಳಿಂ ಕುಂದಾಪುರ್ ಫಿರ್ಗಜ್ ವಿಗಾರ್ ತಶೆಂಚ್ ವಾರಾಡೊ ವಿಗಾರ್ ಬಾ|ಪಾವ್ಲ್ ರೇಗೊ ಪ್ರಧಾನ್ ಯಾಜಕ್ ಜಾವ್ನ್ ಸಾಂಗಾತಾ ವಾರಾಡ್ಯಾಚೆ ಯಾಜಕಾಂ, ಆದ್ಲೊ ಯಾಜಕ್ ಬಾ| ಫ್ರಾನ್ಸಿಸ್ ಕರ್ನೆಲಿಯೊ, ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ, ಬಾ| ಜೊಸ್ವಿನ್ ಪಿರೇರಾ ಸಾಂಗಾತಾ ಸರ್ವ್ ಲೊಕಾನ್ ಸಂಭ್ರಮೀಕ್ ಮೀಸಾಚೆ ಬಲಿದಾನ್ ಭೆಟವ್ನ್ ವ್ಹಡ್ಲ್ಯಾ ಫೆಸ್ತಾಚೊ ಸಂಭ್ರಮ್ ಆಚರಣ್ ಕೆಲೊ. ಖುರ್ಸಾ ಸವೆಂ ಯಾತ್ರಿಕ್ ಪಯ್ಣ್ ಕರುಂಕ್ ಬಾ| ಪಾವ್ಲ್ ರೇಗೊನ್ ಸಂದೇಶ್ ದಿಲೊ.
ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊನ್ ಫಿರ್ಗಜ್ ಫೆಸ್ತಾಕ್ ಆಧಾರ್ ದಿಲ್ಲ್ಯಾ ಫಿರ್ಗಜ್ಗಾರಾಂಕ್ ಆನಿ ಸಂಭ್ರಮೀಕ್ ಮೀಸ್ ಭೆಟಂವ್ಕ್ ಹಾಜರ್ ಜಾಲ್ಲ್ಯಾ ಸರ್ವ್ ಯಾಜಕಾಂಚೊ ಉಪ್ಕಾರ್ ಬಾವುಡ್ಲೊ.
