By ByndoorchiZalak, Pics: Lawrence Fernandes, 01 Jan 2025
ಬೈಂದೂರ್: ಜನೆರ್ 1 ತಾರೀಕೆರ್ ಭಾರತೀಯ್ ಕಥೊಲಿಕ್ ಯುವ ಸಂಚಾಲನ್, ಬೈಂದೂರ್ ಸಂಘಟನಾನ್ YCS ಸಂಚಾಲನಾಚಾ ಸಾಂದ್ಯಾ ಸಂಗೀ ಸಹಭಾಗಿ ಜಾವ್ನ್ ವಾರ್ಷಿಕೋತ್ಸವ್ ಆಚರಣ್ ಕೆಲೆಂ.
ಕಾರ್ಯಕ್ರಮಾಕ್ ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ, ಸಹಾಯಕ್ ವಿಗಾರ್ ಬಾ| ಜೊಸ್ವಿನ್ ಪಿರೇರಾ, ಬಾ| ರೊಯಲ್ ನಜ್ರೆತ್, ಕೊವೆಂತಾಚಿ ವ್ಹಡಿಲ್ನ್ ಸಿ| ಆನ್ಸಿ ಪಾವ್ಲ್, ಗೊವ್ಳಿಕ್ ಮಂಡಳಿ ಕಾರ್ಯದರ್ಶಿ ವೀಣಾ ಫೆರ್ನಾಂಡಿಸ್, 21 ಆಯೋಗಾಚಿ ಸಂಚಾಲಕಿ ಅನಿತಾ ನಜ್ರೆತ್, ICYM ಸಚೇತಕ್ ಪ್ರದೀಪ್ ಫೆರ್ನಾಂಡಿಸ್, YCS ಸಚೇತಕಿ ಆಶಾ ಡಾಯಸ್, ICYM ಕುಂದಾಪುರ್ ವಾರಾಡೊ ಅಧ್ಯಕ್ಷ್ ನಿತಿನ್ ಬಾರೆಟ್ಟೊ, ಕಾರ್ಯದರ್ಶಿ ಮನಿಶಾ ಡಿಮೆಲ್ಲೊ, YCS ಕುಂದಾಪುರ್ ವಾರಾಡೊ ಅಧ್ಯಕ್ಷ್ ರಾಯನ್ ಲೋಬೊ, ICYM ಬೈಂದೂರ್ ಅಧ್ಯಕ್ಷ್ ರುಬೆನ್ ನಜ್ರೆತ್, ಕಾರ್ಯದರ್ಶಿ ಪ್ರಜ್ವಲ್ ರೊಡ್ರಿಗಸ್, YCS ಬೈಂದೂರ್ ಅಧ್ಯಕ್ಷ್ ಶನಲ್ ಫೆರ್ನಾಂಡಿಸ್ ಆನಿ ಕಾರ್ಯದರ್ಶಿ ಜೊಯ್ಲೆಟ್ ನಜ್ರೆತ್ ವೆದಿಚೆರ್ ಹಾಜರ್ ಆಸ್‍ಲ್ಲೆಂ.
ಹೊಲಿ ಕ್ರೊಸ್ ಇಂಗ್ಲೀಷ್ ಮಿಡಿಯಮ್ ಇಸ್ಕೊಲಾಚಾ ಭುರ್ಗ್ಯಾಂನಿ ಪ್ರಾರ್ಥನ್ ನೃತ್ಯ್ ಕರುನ್ ಕಾರ್ಯಕ್ರಮಾಕ್ ಸುರ್ವಾತ್ ಕೆಲೆಂ. ವಾರ್ಷಿಕೋತ್ಸವಾಚಾ ಸಂದರ್ಭಿ ಫಿರ್ಗಜ್ಗಾರಾಂಕ್ ಮಾಂಡುನ್ ಹಾಡ್‍ಲ್ಲ್ಯಾ ಸ್ಪರ್ಧ್ಯಾಂತ್ ವಿಜೇತ್ ಜಾಲ್ಲ್ಯಾಂಕ್ ಇನಾಮಾಂ ವಾಂಟ್ಲೆ. ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊನ್ ICYM ತಶೆಂಚ್ YCS ಸಂಘಟನಾಕ್ ಸಂದೇಶ್ ದೀವ್ನ್ ಕಾರ್ಯಕ್ರಮಾಕ್ ಬರೆಂ ಮಾಗ್ಲೆಂ. ಹ್ಯಾ ಸಂದರ್ಭಿ ಫಿರ್ಗಜೆಚೊ ಪೂರ್ವ್ ಉಪಾಧ್ಯಕ್ಷ್ ಆನಿ ಹಿತಚಿಂತಕ್, Holy Cross Souhardha Credit Co-Operative Society, Byndoor ಹಾಚೊ ಅಧ್ಯಕ್ಷ್ ಡೆನಿಯಲ್ ನಜ್ರೆತ್, ಉದ್ಯಮಿ ಸ್ಯಾಮುಯೆಲ್ ಆಲೋಶಿಯಸ್ ರೆಬೆರೊ, ಆಯ್ಲೆವಾರ್ C.A. ಪರೀಕ್ಷೆಂತ್ ಪಯ್ಲ್ಯಾ ಪ್ರಯತ್ನಾಂತ್ ಉತ್ತೀರ್ಣ್ ಜಾಲ್ಲ್ಯಾ ನಿಕೋಲಾ ಡಾಯಸ್, ಸಭಾರ್ ವರ್ಸಾಂ ಥಾವ್ನ್ ಫಿರ್ಗಜೆಂತ್ ವಿವಿಧ್ ಸೆವಾ ದಿಲ್ಲ್ಯಾ ವಾಲೇರಿಯನ್ ಫೆರ್ನಾಂಡಿಸ್, ಲಿಯೊ ನಜ್ರೆತ್, ರೊಬರ್ಟ್ ರೆಬೆಲ್ಲೊ, ತೆರೆಜಾ ನಜ್ರೆತ್ ಆನಿ ಬೈಂದೂರ‍್ಚಿ ಝಳಕ್ ಅಂತರ್ಜಾಳಿಚೊ ಪ್ರತಿನಿಧಿ ಲೊರೆನ್ಸ್ ಫೆರ್ನಾಂಡಿಸ್ ಹಾಂಕಾ ವಿಗಾರಾನ್ ಸನ್ಮಾನ್ ಕರುನ್ ಮಾನ್ ಕೆಲೆಂ.
ವಾರ್ಷಿಕೋತ್ಸವಾಚಾ ಸಂದರ್ಭಿ ನಾಟಕ್ ಪ್ರದರ್ಶನ್ ಜಾಂವ್ಚ್ಯಾ ನಾಟಕಾಚೊ ಬರಯ್ಣಾರ್ ಬರ್ನಾಡ್ ಜೆ. ಕೋಸ್ತಾ ಆನಿ ನಾಟಕಾಕ್ ನಿರ್ದೇಶನ್ ದಿಲ್ಲ್ಯಾ ಜೊಸೇಫ್ ಫೆರ್ನಾಂಡಿಸಾಕ್ ಸನ್ಮಾನ್ ಕರುನ್ ಮಾನ್ ಪಾಟಯ್ಲೆಂ. ಫಿರ್ಗಜೆಕ್ ಅಗಣಿತ್ ಸೆವಾ ದಿಲ್ಲ್ಯಾ ವಿಗಾರ್ ವಿನ್ಸೆಂಟ್ ಕುವೆಲ್ಲೊಕ್ ಅಭಾರ್ ಆನಿ ಧಿನ್ವಾಸ್ ಪಾಟವ್ನ್ ICYM ಆನಿ YCS ಸಾಂದ್ಯಾನಿ ಸನ್ಮಾನ್ ಕರುನ್, ಉಗ್ಡಾಸಾಚಿ ಕಾಣಿಕ್ ದೀವ್ನ್ ಮಾನ್ ಪಾಟಯ್ಲೆಂ. ಹ್ಯಾ ಸಂದರ್ಭಿ ಕಾರ್ಯಕ್ರಮಾಕ್ ಆರ್ಥಿಕ್ ಆಧಾರ್ ದಿಲ್ಲ್ಯಾ ದಾನಿಂಕ್ ಸಂಘಟನಾನ್ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಮಾನ್ ಕೆಲೆಂ.
ಉಪ್ರಾಂತ್ ಬರ್ನಾರ್ಡ್ ಜೆ. ಕೋಸ್ತಾನ್ ಬರಯಿಲ್ಲೊ ಆನಿ ಜೊಸೇಫ್ ಫೆರ್ನಾಂಡಿಸಾನ್ ನಿರ್ದೇಶನ್ ಕೆಲ್ಲೊ ’ಮೊಜಿ ಆಸ್ತ್ ಮೊಜೊ ವಾಂಟೊ’ ನಾಟಕ್ ICYM ಆನಿ YCS ಕಲಾಕಾರಾಂನಿ ಬೋವ್ ಆಪುರ್ಬಾಯೆನ್ ಪ್ರದರ್ಶನ್ ಕೆಲೊ.
ಕಾರ್ಯಕ್ರಮಾಕ್ ಅಧ್ಯಕ್ಷ್ ರುಬೆನ್ ನಜ್ರೆತಾನ್ ಸ್ವಾಗತ್ ಕೆಲೆಂ, ಕಾರ್ಯದರ್ಶಿ ಶನಲ್ ಫೆರ್ನಾಂಡಿಸಾನ್ ಧನ್ಯವಾದ್ ಪಾಟಯ್ಲೆಂ ಆನಿ ಪ್ರಿತಿಕಾ ಗ್ರಾಸಾನ್ ಕಾರ್ಯೆಂ ಚಲವ್ನ್ ವ್ಹೆಲೆಂ.
