By ByndoorchiZalak, Pics: Lawrence Fernandes, 01 Jan 2025
ಬೈಂದೂರ್: 2024 ವರ್ಸಾಂತ್ ದೆವಾನ್ ದಿಲ್ಲ್ಯಾ ಸರ್ವ್ ಉಪ್ಕಾರಾಕ್ ಧಿನ್ವಾಸ್ ಪಾಟವ್ನ್ ದೇವ್ ಮಾತೆಚಿ ಪರಬ್ ಆನಿ 2025 ನವ್ಯಾ ವರ್ಸಾಕ್ ಯೆವ್ಕಾರ್ ಮಾಗೊನ್ ಫಿರ್ಗಜೆಚಾ ಸರ್ವ್ ಲೊಕಾನ್ ಬಾ| ರೊಯಲ್ ನಜ್ರೆತ್ ಭೆಟವ್ಣೆಚೆ ಪ್ರದಾನ್ ಯಾಜಕ್ ಜಾವ್ನ್, ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ ಆನಿ ಸಹಾಯಕ್ ವಿಗಾರ್ ಬಾ| ಜೊಸ್ವಿನ್ ಪಿರೇರಾ ಸಾಂಗಾತಾ ಸಂಭ್ರಮೀಕ್ ಮೀಸಾಚೆ ಬಲಿದಾನ್ ಭೆಟಯ್ಲೆಂ. ಐ.ಸಿ.ವೈ.ಎಮ್. ಸಾಂದ್ಯಾನಿ ಮೀಸಾಚೆ ಲಿತುರ್ಜಿ ಚಲಯ್ಲೆಂ.
ನವ್ಯಾನ್ ಚುನಾಯಿತ್ ಜಾಲ್ಲ್ಯಾ 4 ವಾಡ್ಯಾಚಾ ಗುರ್ಕಾರಾಂನಿ ವಿಗಾರಾಚಾ ನಿರ್ದೇಶನಾಖಾಲ್ ಪ್ರಮಾಣ್‍ವಾಚನ್ ಸ್ವೀಕಾರ್ ಕೆಲೆಂ. ಚುಕಾನಾಸ್ತಾನಾ ವೇದಿ ಸೆವಕ್ ಜಾವ್ನ್ ಸೆವಾ ದಿಲ್ಲ್ಯಾ ಆಲ್ತಾರ್ ಭುರ್ಗ್ಯಾಂಕ್ ವಿಗಾರಾನ್ ಇನಾಮಾಂ ವಾಂಟುನ್ ಶಾಭಾಸ್ಕಿ ಪಾಟಯ್ಲೆಂ. ಹ್ಯಾ ಸಂದರ್ಭಾರ್ ಉಡುಪಿ ದಿಯೆಸೆಜಿನ್ ಹಾತಿಂ ಘೆತ್‍ಲ್ಲೆಂ ಗೊವ್ಳಿಕ್ ಯೋಜಾನಾಚೆ ಬೂಕ್ Mission – 2030 ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ, ಸಹಾಯಕ್ ವಿಗಾರ್ ಬಾ| ಜೊಸ್ವಿನ್ ಪಿರೇರಾ, ಬಾ| ರೊಯಲ್ ನಜ್ರೆತ್ ಆನಿ ಗೊವ್ಳಿಕ್ ಮಂಡಳಿಚಾ ಮುಕೆಲ್ಯಾಂನಿ ಉಗ್ತಾವಣ್ ಕೆಲೆಂ.
