By ByndoorchiZalak, Pics: Lawrence Fernandes, 15 Dec 2024
ಬೈಂದೂರ್: ಆಯ್ತಾರಾ, ದಸೆಂಬರ್ 15 ತಾರೀಕೆರ್ ಸಕಾಳಿಂ ಫಿರ್ಗಜೆಚಾ ಮಾಲ್ಗಡ್ಯಾಂಕ್ ಗೌರವ್ ಪಾಟಂವ್ಚ್ಯಾ ಖಾತಿರ್ ಮಾಲ್ಗಡ್ಯಾಂಚೊ ದೀಸ್ ಆಚರಣ್ ಕೆಲೆಂ. ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ ಆನಿ ಸಹಾಯಕ್ ವಿಗಾರ್ ಬಾ| ಜೊಸ್ವಿನ್ ಪಿರೇರಾ ಸಾಂಗಾತಾ ಸರ್ವ್ ಮಾಲ್ಗಡ್ಯಾಂನಿ ಸಂಭ್ರಮೀಕ್ ಮೀಸಾಚೆ ಬಲಿದಾನ್ ಭೆಟಯ್ಲೆಂ. ಉಪ್ರಾಂತ್ ಮಿನಿ ಹೊಲಾಂತ್ ಚಲ್‍ಲ್ಲ್ಯಾ ಕಾರ್ಯಕ್ರಮಾಂತ್ ವೇದಿಚೆರ್ ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ ಆನಿ ಸಹಾಯಕ್ ವಿಗಾರ್ ಬಾ| ಜೊಸ್ವಿನ್ ಪಿರೇರಾ, ಸಿ| ಆನ್ಸಿ ಪಾವ್ಲ್, ಸಿ| ಯ್ಯಾಮ್ಮಿ, ಫಿರ್ಗಜ್ ಮಂಡಳಿ ಕಾರ್ಯದರ್ಶಿ ವೀಣಾ ಫೆರ್ನಾಂಡಿಸ್ ಆನಿ 20 ಆಯೋಗಾಚಿ ಸಂಯೋಜಕಿ ಅನಿತಾ ನಜ್ರೆತ್ ಹಾಜರ್ ಆಸ್‍ಲ್ಲಿಂ. ಪೀಟರ್ ಲೋಬೊ, ಕೆರೋಲಿನ್ ರೆಬೆರೊ ಅನಿ ಸಿ| ಯ್ಯಾಮ್ಮಿ ಹಾಂಕಾ ಸನ್ಮಾನ್ ಕೆಲೆಂ.
ಕಾರ್ಯಕ್ರಮಾಕ್ ವಿನಿತಾ ರೊಡ್ರಿಗಸಾನ್ ಸ್ವಾಗತ್ ಕೆಲೆಂ, ಶೋಭಾ ರೆಬೆರೊ ಹಿಣೆಂ ಧನ್ಯವಾದ್ ಪಾಟಯ್ಲೆಂ ಆನಿ ವೀಣಾ ಫೆರ್ನಾಂಡಿಸಾನ್ ಕಾರ‍್ಯೆಂ ಚಲವ್ನ್ ವ್ಹೆಲೆಂ.
