By ByndoorchiZalak, Pics By Lawrence Fernandes, 08 Sep 2024
ಬೈಂದೂರ್: ಮರಿಯೆ ಮಾಯೆಚೆ ಜಲ್ಮಾಂ ಪರಬ್ ಆನಿ ಕುಟ್ಮಾಚೆ ಫೆಸ್ತ್ ಮೊಂತಿ ಫೆಸ್ತಾಚೊ ಸಂಭ್ರಮ್ ಆಜ್ ಸಕಾಳಿಂ ಸರ್ವ್ ಫಿರ್ಗಜ್ ಲೊಕಾನ್ ವ್ಹಡಾ ಸಂಭ್ರಮಾನ್ ಆಚರಣ್ ಕೆಲೆಂ. ಸಕಾಳಿಂ ಇಗರ್ಜೆ ಇಸ್ಕೊಲಾಂತ್ ಸರ್ವ್ ಫಿರ್ಗಜ್ಗಾರಾಂ ಸಾಂಗಾತಾ ಮೆಳೊನ್ ಶೆತಾಂತ್ ಜಾಲ್ಲೆಂ ನವೆಂ ಬೆಳೆಂ ಭಾತಾಚೆಂ ಕಣ್ಶ್ಯೊಂ ವಿಗಾರಾನ್ ಬೆಂಜಾರ್ ಕರುನ್ ದೆವಾಕ್ ಅರ್ಗಾಂ ಪಾಟಯ್ಲೆಂ. ಬಾಳೊಕ್ ಮರಿಯೆಕ್ ಹೊಗಳ್ಸುನ್ ಲ್ಹಾನಾ ಭುರ್ಗ್ಯಾಂನಿ ಫುಲಾಂ ಅರ್ಪಣ್ ಕೆಲೆಂ. ಉಪ್ರಾಂತ್ ಇಗರ್ಜೆ ಇಸ್ಕೊಲಾಂ ಥಾವ್ನ್ ಇಗರ್ಜೆಕ್ ಪುರ್ಶ್ಯಾಂವ್ ಕರುನ್ ದೇವ್ ಮಂದಿರಾಂತ್ ಸಂಭ್ರಮೀಕ್ ಮೀಸಾಚೆ ಬಲಿದಾನ್ ಭೆಟಯ್ಲೆಂ. ಸಂಭ್ರಮೀಕ್ ಬಲಿದಾನಾಂತ್ ಪ್ರಧಾನ್ ಯಾಜಕ್ ಜಾವ್ನ್ ದಿಯೆಸೆಜಿ ಥಾವ್ನ್ ಪರ್ಗಟ್ ಜಾಂವ್ಚೆ ಪಂದ್ರಾಳೆಂ ಉಜ್ವಾಡ್ ಪತ್ರಾಚೊ ಸಂಪಾದಕ್ ಬಾ| ಆಲ್ವಿನ್ ಸಿಕ್ವೇರಾ, ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ ಆನಿ ದಿಯಾಕೊನ್ ಜೊಸ್ವಿನ್ ಪಿರೇರಾ ಸಾಂಗಾತಾ ಸರ್ವ್ ಫಿರ್ಗಜ್ ಲೊಕಾನ್ ಮೀಸಾಚೆ ಬಲಿದಾನ್ ಭೆಟಯ್ಲೆಂ. ಬಾ| ಆಲ್ವಿನ್ ಸಿಕ್ವೇರಾನ್ ಮರಿಯೆ ಮಾಯೆಚೆ ಆದರ್ಶ್ ಘೆವ್ನ್, ಜೆಜುಚೊ ಮೋಗ್ ನಿಯಾಳುನ್ ಬರೆಂ ಕುಟಾಮ್ ಬಾಂದುನ್ ಹಾಡುಂಕ್ ಜಾಯ್ ಮ್ಹಣ್ ಆಪುರ್ಬಾಯೆಚೊ ಪ್ರಸಂಗ್ ದಿಲೊ.
ಮೀಸಾ ಉಪ್ರಾಂತ್ ನೊವೆನಾಚಾ ದಿಸಾಂನಿ ಆನಿ ಮೊಂತಿ ಫೆಸ್ತಾಕ್ ಆಧಾರ್ ದಿಲ್ಲ್ಯಾ ಸರ್ವಾಂಚೊ ವಿಗಾರಾನ್ ಉಪ್ಕಾರ್ ಬಾವುಡ್ಲೊ.
