By ByndoorchiZalak, 01 Sep 2024
ಬೈಂದೂರ್: ವೇದಿ ಸೆವೆಕ್ ಜಾವ್ನ್ ಸೆವಾ ದಿಂವ್ಚ್ಯಾ ಆಲ್ತಾರ್ ಭುರ್ಗ್ಯಾಂಚೊ ದೀಸ್ ಆಚರಣ್ ಜಾವ್ನ್ ಸಪ್ತೆಂಬರ್ 1 ತಾರೀಕೆರ್ ಆಯ್ತಾರಾ ಸಕಾಳಿಂ ಉಡುಪಿ ದಿಯೆಸಿಜಿಚೊ ದೇವ್ ಆಪೊವ್ಣೆಂ ಆಯೋಗಾಚೊ ದಿರೆಕ್ತೊರ್ ಬಾ| ಅಶ್ವಿನ್ ಆರಾನ್ಹಾ ಆನಿ ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ ಸಾಂಗಾತಾ ಸರ್ವ್ ಆಲ್ತಾರ್ ಭುರ್ಗ್ಯಾಂನಿ ಆನಿ ಫಿರ್ಗಜ್ ಲೊಕಾನ್ ಸಂಭ್ರಮೀಕ್ ಮಿಸಾಚೆ ಬಲಿದಾನ್ ಭೆಟಯ್ಲೆಂ. ಸಾಂ ಜುಂವಾವ್ ಬರ್ಕ್ಸ್ಮನ್ಸಚಾ ಜಿಣಿಯೆಚಾ ಪ್ರೇರಣಾನ್ ಭರೊನ್ ನವ್ಯಾನ್ ಭರ್ತಿ ಜಾಲ್ಲ್ಯಾ 13 ಆಲ್ತಾರ್ ಭುರ್ಗ್ಯಾಂಕ್ ವಿಗಾರಾನ್ ಫಿಂತ್ ದೀವ್ನ್ ಆಶೀರ್ವಾದ್ ಕೆಲೆಂ. ಉಪ್ರಾಂತ್ ಫಿರ್ಗಜೆಚಾ ಮಿನಿ ಹೊಲಾಂತ್ ಚಲ್‍ಲ್ಲ್ಯಾ ಕಾರ್ಯಕ್ರಮಾಂತ್ ಬಾ| ಅಶ್ವಿನ್ ಆರಾನ್ಹಾನ್ ದೇವ್ ಆಪೊವ್ಣ್ಯಾವಿಶಿಂ ಆಲ್ತಾರ್ ಭುರ್ಗ್ಯಾಂಕ್ ಸಮ್ಜಣಿಂ ದಿಲೆಂ. ದಿಯಾಕೊನ್ ಜೊಸ್ವಿನ್ ಪಿರೇರಾನ್ ಆಲ್ತಾರ್ ಭುರ್ಗ್ಯಾಂಕ್ ಕ್ವಿಜ್ ಆನಿ ಖೆಳ್ ಚಲವ್ನ್ ವ್ಹೆಲೆಂ. ಹ್ಯಾ ಕಾರ್ಯಕ್ರಮಾಂತ್ 48 ಆಲ್ತಾರ್ ಭುರ್ಗೆಂ ಹಾಜರ್ ಆಸ್‍ಲ್ಲಿಂ.
