[ಪರತ್ ಏಕ್ ಜಲ್ಮ್ ಆಸಾಗೀ ಗೊತ್ತುನಾ, ಆವಯ್ಚ್ಯಾ ಗರ್ಭಾ ಥಾವ್ನ್ ಜಲ್ಮೊನ್ ಕುಟ್ಮಾಂತ್ ವಾಡೊನ್, ಕುಟ್ಮಾಚಿ ಸಳಾವಳ್ ಆನಿ ವಾಡ್‍ಲ್ಲೆಂ ಘರ್ ವರ್ತ್ಯಾ ಮೊಗಾಚೆ ಜಾವ್ನಾಸ್ತಾ, ಸಹಜ್ ಜಾವ್ನ್ ಮನಿಸ್ ಪರತ್ ತ್ಯಾಚ್ ಕುಟ್ಮಾಂತ್ ಜಲ್ಮೊಂಕ್ ಆಶೆತಾ. ಅಶೋಕ್ ಆಪ್ಲ್ಯಾ ಕವಿತೆಂತ್ ಪರತ್ ಏಕ್ ಜಲ್ಮ್ ಆಸಾ ತರ್ ಕಿತೆಂ ಆಶೆತಾ ಅಸಲಿಂ ನಿರಾಶೆಚಿ ಚಿಂತ್ನಾ ದೆವಾ ಹುಜಿರ್ ದವರ್ತಾಂ]
ನಿರಾಶಿ
ಹೆಂ ಕಸಲೆಂ ನಿಯಮ್ ಕೊಣೀ ಸಾಂಗಾ ಮ್ಹಾಕಾ
ಜಲ್ಮಾಂ ಥಾವ್ನ್ ಮೊರಾಂ ಪರ‍್ಯಾಂತ್ ಕಳ್ಳೆಂನಾ
ಜಿವಂತ್ ಆಸ್ತಾನಾ ಧಯ್ರ್ ಪಾವ್ಲೆಂನಾ ವಿಚಾರುಂಕ್
ಆತಾಂ ಮೆಲ್ಯಾಂ ಉಪ್ರಾಂತ್ ವಿಚಾರ್ತಾ ಧೈರಾನ್
ಮನ್ಶ್ಯಾಕ್ ಪುನರ್ ಜೀವಿತ್ ಆಸಾ ವ್ಹಯ್ ತರ್
ಪರತ್ ಜಲ್ಮನಾ ವಿಂಚುನ್ ತೆಂಚ್ ಘರ್
ಆದ್ಲ್ಯಾ ಆಪ್ಲ್ಯಾ ಪೆಲ್ಯಾ ಥಾವ್ನ್ ದಿಷ್ಟಿ ಥಾವ್ನ್ ಲಿಪೊವ್ನ್
ಕಿತೆಂ ಫಾಯ್ದೊ ಪರತ್ ದುಸ್ರ್ಯಾ ಘರಾಂತ್ ಜಲ್ಮೊನ್
ದೆವಾ ದಯಾಕರ‍್ನ್ ಬದ್ಲಿಂ ಹೆಂ ನಿಯಮ್
ನಂಯ್ ತರ್ ರಾವ್ತಾಲೊ ರಾಗಾರ್ ತುಜೆರ್ ಖಾಯಮ್
ಕೀತ್ಯಾಕ್ ಪುನರ್ ಜೀವಿತ್ ಮ್ಹಾಕಾ ತುವೆಂ ಪಾಟಿಂ ದಿಲೆಂಯ್
ಆದ್ಲ್ಯಾ ಮ್ಹಜ್ಯಾ ಆಪ್ಲ್ಯಾ ಥಾವ್ನ್ ಖಂಯ್ ಹಾಡ್ನ್ ಘಾಲೆಂಯ್
ಜಲ್ಮಯ್‍ನಾಕಾ ಆನಿ ಮ್ಹಾಕಾ ಕಷ್ಟೊಂಕ್
ವೆವೆಗ್ಳ್ಯಾ ಘರಾಂತ್ ದುಖಾಂಚಿ ಝರ್ ಪಾತ್ಳಂವ್ಕ್
ದಿತಾಯ್ ತರ್ ಪರತ್ ಜಲ್ಮ್ ದೀ ಆದ್ಲ್ಯಾಚ್ ಕುಟ್ಮಾಂತ್
ಜಲ್ಮಯ್ ಮ್ಹಾಕಾ ತ್ಯಾಚ್ ಆವಯ್ಚ್ಯಾ ಗರ್ಭಾಂತ್.
– ಅಶೋಕ್ ಬೈಂದೂರ್