By ByndoorchiZalak, Pics: Lawrence Fernandes, 07 Feb 2024
ಬೈಂದೂರ್: ಫಿರ್ಗಜ್ ಪಾತ್ರೊನ್ ಭಾಗೆವಂತ್ ಖುರ್ಸಾಕ್ ಮಾನ್ ಕರುನ್ ಫಿರ್ಗಜೆಚಾ ಸರ್ವ್ ಲೊಕಾನ್ ಭಕ್ತಿಪಣಾನ್ ವ್ಹಡ್ಲೆಂ ಫೆಸ್ತ್ ಆಚರಣ್ ಕೆಲೆಂ. ಆಯ್ತಾರಾ ದಿಸಾಂ ಫಿರ್ಗಜ್ ಭಾವ್-ಭಾಂದವ್ಪಣಾಚೊ ದೀಸ್ ಕೊಂಪ್ರಿಚೊ ಆಯ್ತಾರ್ ಕಂಡ್ಲೂರ್ ಫಿರ್ಗಜೆಚೊ ಯಾಜಕ್ ಬಾ| ಕೆನ್ಯುಟ್ ಬಾರ್ಬೊಜಾ ಸಾಂಗಾತಾ ಸಂಭ್ರಮೀಕ್ ಬಲಿದಾನ್ ಭೆಟವ್ನ್ ಸಾಕ್ರಾಮೆಂತಾಚೆ ಆರಾಧಾನ್ ಕೆಲೆಂ. ಇಗರ್ಜೆ ಥಾವ್ನ್ ಯಡ್ತರೆ ಪರ‍್ಯಾಂತ್ ಸಾಕ್ರಾಮೆಂತಾಚೆ ಪುರ್ಶಾಂವ್ ಕರುನ್ ಉಗ್ತ್ಯಾನ್ ಭಾವಾರ್ಥ್ ಪಾಚಾರ್ಲೊ.
ಬೆಸ್ಪಾ ದಿಸಾ ಪವಿತ್ರ್ ಸಾಕ್ರಾಮೆಂತಾಚೆ ಆರಾಧಾನ್ ಆನಿ ಸಾಕ್ರಾಮೆಂತಾಚೆ ಪುರ್ಶಾಂವ್ ಕರುನ್ ಭಾಗೆವಂತ್ ಖುರ್ಸಾಕ್ ಮಾನ್ ಭೆಟಯ್ಲೆಂ. ಕಟ್ಕೆರೆ ಕೊಪೆಲಾಚೊ ವಿಗಾರ್ ಬಾ| ಜೊಸ್ವಿ ಸಿಕ್ವೇರಾ ಸಾಂಗಾತಾ ಸಾಂಗಾತಾ ಸರ್ವ್ ಫಿರ್ಗಜ್ ಲೊಕಾನ್ ಭಕ್ತಿಪಣಿಂ ಮಾಗ್ಣೆಂ ಭೆಟಯ್ಲೆಂ. ಮಂಗ್ಳಾರಾ ಸಕಾಳಿಂ ಕಾಪುಚಿನ್ ಯಾಜಕ್ ಬಾ| ಜೊಕಿಮ್ ಡಿ’ಸೋಜಾ ಪ್ರಧಾನ್ ಯಾಜಕ್ ಜಾವ್ನ್ ಸಾಂಗಾತಾ ಕುಂದಾಪುರ್ ಫಿರ್ಗಜ್ ವಿಗಾರ್ ತಶೆಂಚ್ ವಾರಾಡೊ ವಿಗಾರ್ ಬಾ| ಸ್ಟ್ಯಾನಿ ತಾವ್ರೊ, ವಾರಾಡ್ಯಾಚೆ ಯಾಜಕಾಂ, ವಿಗಾರ್ ಮಾ| ಬಾ| ವಿನ್ಸೆಂಟ್ ಕುವೆಲ್ಲೊ ಸಾಂಗಾತಾ ಸರ್ವ್ ಲೊಕಾನ್ ಸಂಭ್ರಮೀಕ್ ಮೀಸಾಚೆ ಬಲಿದಾನ್ ಭೆಟವ್ನ್ ವ್ಹಡ್ಲ್ಯಾ ಫೆಸ್ತಾಚೊ ಸಂಭ್ರಮ್ ಆಚರಣ್ ಕೆಲೊ.
ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊನ್ ಫಿರ್ಗಜ್ ಫೆಸ್ತಾಕ್ ಆಧಾರ್ ದಿಲ್ಲ್ಯಾ ಫಿರ್ಗಜ್ಗಾರಾಂಕ್ ಆನಿ ಸಂಭ್ರಮೀಕ್ ಮೀಸ್ ಭೆಟಂವ್ಕ್ ಹಾಜರ್ ಜಾಲ್ಲ್ಯಾ ಸರ್ವ್ ಯಾಜಕಾಂಚೊ ಉಪ್ಕಾರ್ ಬಾವುಡ್ಲೊ.
