By Cynthia Rodrigues, 07 Dec 2023
ಬೈಂದೂರ್: ಫಿರ್ಗಜೆಚಾ ಭಲಾಯ್ಕಿ ಆಯೋಗ್ ಆನಿ ಸ್ತ್ರೀ ಸಂಘಟನಾಚಾ ಮುಖೆಲ್ಪಣಾರ್ ಮಾಂಡುನ್ ಹಾಡಲ್ಲ್ಯಾ ಹಾಡಾಂಚೆ ತಪಾಸ್ಣಿಂ ಶಿಬಿರ್ (Bone Density Camp) ಬ್ರೇಸ್ತಾರಾ ದಸೆಂಬರ್ 7 ತಾರೀಕೆರ್ ಸಕಾಳಿಂ 9:30 ಥಾವ್ನ್ 1 ವೊರಾ ಪರ್ಯಾಂತ್ ಮಿನಿ ಹೊಲಾಂತ್ ಚಲ್ಲೆಂ. ಮಾನೆಸ್ತ್ ಪ್ರಕಾಶ್ ಅಂದ್ರಾದೆ ಆನಿ ಪಂಗ್ಡಾನ್ ಹಾಡಾಂ ತಪಾಸ್ಣಿ ಸೂಕ್ತ್ ಚಿಕಿತ್ಸಾ ಘೆಂವ್ಚ್ಯಾ ವಿಶಿಂ ಮಾಹೆತ್ ದಿಲೆಂ. ಹ್ಯಾ ಕಾರ್ಯಕ್ರಮಾಂತ್ ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ, ಶ್ರೀ ಪ್ರಕಾಶ್ ಅಂದ್ರಾದೆ ಆನಿ ಪಂಗಡ್, ಫಿರ್ಗಜ್ ಉಪಾಧ್ಯಕ್ಷ್ ಸ್ಟೀಫನ್ ಡಾಯಸ್, ಕಾರ್ಯದರ್ಶಿ ವೀಣಾ ಫೆರ್ನಾಂಡಿಸ್, ಸ್ತ್ರೀ ಸಂಘಟನ್ ಅಧ್ಯಕ್ಷ್ ಫ್ಲಾವಿಯಾ ರೆಬೆಲ್ಲೊ, ಕಾರ್ಯದರ್ಶಿ ಎಫಿಫಾನಿಯಾ ಆಲ್ಮೇಡಾ, Animator ಸಿಂತಿಯಾ ರೊಡ್ರಿಗಸ್, ಭಲಾಯ್ಕೆಂ ಆಯೋಗಾಚೆ ಸಂಚಾಲಕಿ ಜುಡಿತ್ ಲೋಬೊ ವೆದಿಚೆರ್ ಹಾಜರ್ ಅಸ್‍ಲ್ಲಿಂ. ಫಿರ್ಗಜೆಚ್ಯಾ 68 ಜಣಾಂನಿ ಶಿಬಿರಾಚೆ ಫಾಯ್ದೊ ಜೊಡುನ್ ಘೆತ್ಲೊ.
ಕಾರ್ಯಕ್ರಮಾಕ್ ಫ್ಲಾವಿಯಾ ರೆಬೆಲ್ಲೊನ್ ಸ್ವಾಗತ್ ಕೆಲೆಂ, ಜುಡಿತ್ ಲೋಬೊನ್ ಧನ್ಯವಾದ್ ಪಾಠಯ್ಲೆಂ ಆನಿ ಎಫಿಫಾನಿಯಾ ಆಲ್ಮೇಡಾನ್ ಕಾರ್ಯಕ್ರಮ್ ಚಲವ್ನ್ ವ್ಹೆಲೆಂ.
