ಐ.ಸಿ.ವೈ.ಎಮ್. ಸಂಚಾಲನಾ ಥಾವ್ನ್ ವಾಡ್ಯಾವಾರ್ ಸಾಂಸ್ಕೃತಿಕ್ ಸಾಂಜ್

By ByndoorchiZalak, Pics: Lawrence Fernandes, 03 Dec 2023

ಬೈಂದೂರ್: ಭಾರತೀಯ್ ಕಥೊಲಿಕ್ ಯುವ ಸಂಚಾಲನಾ ಥಾವ್ನ್ ವಾಡ್ಯಾವಾರ್ ಸಾಂಸ್ಕೃತಿಕ್ ಸಾಂಜ್ ಆಯ್ತಾರಾ, ದಸೆಂಬರ್ 3 ತಾರೀಕೆರ್ ಫಿರ್ಗಜೆಚಾ ಸಮುದಾಯ್ ಭವನಾಂತ್ ಚಲ್ಲೆಂ. ಫಿರ್ಗಜೆಚಾ ಸರ್ವ್ ವಾಡ್ಯಾಗಾರಾಂನಿ ವಾಂಟೊ ಘೆವ್ನ್ ವಿವಿಧ್ ನಾಟ್ಕುಳೊ ಪ್ರದರ್ಶನ್ ಕೆಲೆಂ. ಪಾಂಗ್ಳಾಂತ್ ಅಂತರ್ ಫಿರ್ಗಜ್ ಸ್ಪರ್ಧ್ಯಾಂತ್ ವಿಜೇತ್ ಆನಿ ಭಾಗ್ ಘೆತ್‍ಲ್ಲ್ಯಾ ಸ್ಪರ್ಧಿಕಾಂ ಥಾವ್ನ್ ಗಾಯನ್ ಕಾರ್ಯಕ್ರಮ್ ಚಲ್ಲೆಂ. ಸಭಾ ಕಾರ್ಯಕ್ರಮಾಂತ್ ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ, ಕೊವೆಂತಾಚಿ ವ್ಹಡಿಲ್ನ್ ಸಿ| ಆನ್ಸಿ ಪಾವ್ಲ್, ಫಿರ್ಗಜ್ ಮಂಡಳಿ ಉಪಾಧ್ಯಕ್ಷ್ ಸ್ಟೀಫನ್ ಡಾಯಸ್, ಕಾರ್ಯದರ್ಶಿ ವೀಣಾ ಫೆರ್ನಾಂಡಿಸ್, 20 ಆಯೋಗಾಂಚಿ ಸಂಚಾಲಕಿ ಅನಿತಾ ನಜ್ರೆತ್, ಐ.ಸಿ.ವೈ.ಎಮ್. Animator ಪ್ರದೀಪ್ ಫೆರ್ನಾಂಡಿಸ್, ವೈ.ಸಿ.ಎಸ್. Animator ಆಶಾ ಡಾಯಸ್, ವೈ.ಸಿ.ಎಸ್. ಅಧ್ಯಕ್ಷ್ ಡಿಯೋನ್ ಡಾಯಸ್, ವೈ.ಸಿ.ಎಸ್. ಕಾರ್ಯದರ್ಶಿ ಆಲಿಶಾ ಫೆರ್ನಾಂಡಿಸ್, ಐ.ಸಿ.ವೈ.ಎಮ್. ಅಧ್ಯಕ್ಷ್ ರೂಬೆನ್ ನಜ್ರೆತ್ ಆನಿ ಐ.ಸಿ.ವೈ.ಎಮ್. ಸಹ-ಕಾರ್ಯದರ್ಶಿ ರಾಯನ್ ಫೆರ್ನಾಂಡಿಸ್ ವೆದಿಚೆರ್ ಹಾಜರ್ ಆಸ್‍ಲ್ಲೆಂ. ನಾಟ್ಕುಳೊ ಪ್ರದರ್ಶನ್ ಕೆಲ್ಲ್ಯಾ ಸರ್ವ್ ವಾಡ್ಯಾಗಾರಾಂ ತರ್ಫೆನ್ ವಾಡ್ಯಾಚಾ ಸರ್ವ್ ಗುರ್ಕಾರಾಂಕ್ ಐ.ಸಿ.ವೈ.ಎಮ್. ದಿರೆಕ್ತೊರ್ ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊನ್ ಉಗ್ದಾಸಾಚಿ ಕಾಣಿಕ್ ದೀವ್ನ್ ಮಾನ್ ಕೆಲೆಂ.
ಕಾರ್ಯಕ್ರಮಾಕ್ ಐ.ಸಿ.ವೈ.ಎಮ್. ಅಧ್ಯಕ್ಷ್ ರೂಬೆನ್ ನಜ್ರೆತಾನ್ ಸ್ವಾಗತ್ ಕೆಲೆಂ, ಜೊನಿತಾ ಗ್ರಾಸಾನ್ ಧನ್ಯವಾದ್ ಪಾಟಯ್ಲೆಂ ಆನಿ ವಿವಿಯಾನ ಫೆರ್ನಾಂಡಿಸಾನ್ ಕಾರ್ಯಕ್ರಮ್ ಚಲವ್ನ್ ದಿಲೆಂ.