By ByndoorchiZalak, 3 September 2023
ಬೈಂದೂರ್: ಕಥೊಲಿಕ್ ಸಭಾ ಉಡುಪಿ ಪ್ರದೇಶ್ (ರಿ.) ಬೈಂದೂರ್ ಘಟಕಾ ಥಾವ್ನ್ ಫಿರ್ಗಜೆಚಾ ಭುರ್ಗ್ಯಾಂಕ್ ಭಾಷಣ್ ಸ್ಪರ್ಧೊ ಸಪ್ತೆಂಬ್ರಚಾ 3 ತಾರೀಕೆರ್ ಚಲ್ಲೆಂ. ಹ್ಯಾ ಸ್ಪರ್ಧ್ಯಾಕ್ ವರಯ್ಣಾರ್ ಜಾವ್ನ್ ರೂಪಸ್ ಬಾರೆಟ್ಟೊ ಆನಿ ಲೀನಾ ತಾವ್ರೊ ಹಾಜರ್ ಆಸ್‍ಲ್ಲಿಂ. ಸುಮಾರ್ 30 ಜಣಾಂ ಭುರ್ಗ್ಯಾಂನಿ ಭಾಷಣ್ ಸ್ಪರ್ಧ್ಯಾಂತ್ ಭಾಗ್ ಘೆತ್ಲೆಂ.
ಸಭಾ ಕಾರ್ಯಕ್ರಮಾಂತ್ ರೂಪಸ್ ಬಾರೆಟ್ಟೊ ಆನಿ ಲೀನಾ ತಾವ್ರೊನ್ ಭಾಷಣ್ ಸ್ಪರ್ಧ್ಯಾಂತ್ ಭಾಗ್ ಘೆತ್‍ಲ್ಲ್ಯಾ ಭುರ್ಗ್ಯಾಂಕ್ ಸಲಹಾ-ಸೂಚನಾಂ ದೀವ್ನ್ ಶಾಭಾಸ್ಕಿ ಪಾಟಯ್ಲೆಂ ಆನಿ ಕಥೊಲಿಕ್ ಸಭಾ ಉಡುಪಿ ಪ್ರದೇಶ್ (ರಿ.) ಬೈಂದೂರ್ ಘಟಕಾಕ್ ಅಭಿನಂದನ್ ಪಾಟವ್ನ್ ಬರೆಂ ಮಾಗ್ಲೆಂ.
ಕಾರ್ಯಕ್ರಮಾಕ್ ಅಧ್ಯಕ್ಷ್ ಜೊಸ್ಪಿನ್ ರೊಡ್ರಿಗಸಾನ್ ಸ್ವಾಗತ್ ಕೆಲೆಂ, ಆಶಾ ಲೋಬೊನ್ ಧನ್ಯವಾದ್ ಪಾಟಯ್ಲೆಂ ಆನಿ ರೊನಾಲ್ಡ್ ನಜ್ರೆತಾನ್ ಕಾರ್ಯಕ್ರಮ್ ಚಲವ್ನ್ ವ್ಹೆಲೆಂ.