By ByndoorchiZalak, Pics: Lawrence Fernandes, 23 July 2023
ಬೈಂದೂರ್: ಸಾಂ. ಆನ್ನಾ ಆನಿ ಸಾಂ ಜೊಕೀಮ್ ಫೆಸ್ತಾಚಾ ಸಂದರ್ಭಿ ಫಿರ್ಗಜೆಚಾ ಮಾಲ್ಗಡ್ಯಾಂಕ್ ಗೌರವ್ ಪಾಟಂವ್ಚ್ಯಾ ಖಾತಿರ್ ಸರ್ವ್ ಮಾಲ್ಗಡ್ಯಾ ಸಾಂಗಾತಾ ಫಿರ್ಗಜ್ ಲೊಕಾನ್ ಆದ್ಲೊ ವಿಗಾರ್ ಆನಿ ಆಯ್ಲೆವಾರ್ ಉಡುಪಿ ದಿಯೆಸೆಜಿಕ್ ನವ್ಯಾನ್ ನೇಮಕ್ ಜಾಲ್ಲೊ ವಿಗಾರ್ ಜೆರಾಲ್ ಮೊನ್ಸಿಞೊರ್ ಫರ್ಡಿನಾಂಡ್ ಗೊನ್ಸಾಲ್ವಿಸ್ ಆನಿ ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ ಸಾಂಗಾತಾ ಸಂಭ್ರಮೀಕ್ ಸಂಭ್ರಮೀಕ್ ಮೀಸಾಚೆ ಬಲಿದಾನ್ ಭೆಟಯ್ಲೆಂ. ಮೀಸಾಚಾ ಬಲಿದಾನಾ ಉಪ್ರಾಂತ್ ಎಪ್ರಿಲ್ 1, 2023 ತಾರೀಕೆರ್ ಉಡುಪಿ ದಿಯೆಸೆಜಿಕ್ ನವ್ಯಾನ್ ನೇಮಕ್ ಜಾಲ್ಲ್ಯಾ ವಿಗಾರ್ ಜೆರಾಲ್ ಮೊನ್ಸಿಞೊರ್ ಫರ್ಡಿನಾಂಡ್ ಗೊನ್ಸಾಲ್ವಿಸಾಕ್ ಬೈಂದೂರ್ ಫಿರ್ಗಜ್ಗಾರಾಂ ತರ್ಫೆನ್ ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊನ್ ಅಭಿನಂದನ್ ಪಾಟವ್ನ್ ಸನ್ಮಾನ್ ಕೆಲೆಂ. ಹ್ಯಾ ಸಂದರ್ಭಿ ಫಿರ್ಗಜ್ ಗೊವ್ಳಿಕ್ ಮಂಡಳಿ ಉಪಾಧ್ಯಕ್ಷ್ ಸ್ಟೀಫನ್ ಡಾಯಸ್, ಕಾರ್ಯದರ್ಶಿ ವೀಣಾ ಫೆರ್ನಾಂಡಿಸ್ ಆನಿ 20 ಆಯೋಗಾಚಿ ಸಂಚಾಲಕಿ ಅನಿತಾ ನಜ್ರೆತ್ ಹಾಜರ್ ಆಸ್‍ಲ್ಲಿಂ.
