By ByndoorchiZalak, Pics: Lawrence Fernandes, 03 June 2023
ಬೈಂದೂರ್: ಫಿರ್ಗಜೆಕ್ ಅಧಿಕೃತ್ ಗೊವ್ಳಿಕ್ ಭೆಟ್ ದಿಂವ್ಕ್ ಆಯಿಲ್ಲ್ಯಾ ಉಡುಪಿ ದಿಯೆಸೆಜ್ ಧರ್ಮಾಧ್ಯಕ್ಷ್ ಅ| ಮಾ| ದೊ| ಜೆರಾಲ್ಡ್ ಲೋಬೊ ಗೊವ್ಳಿ ಬಾಪಾಂಕ್ ವಿಗಾರಾನ್ ಆನಿ ಫಿರ್ಗಜ್ ಲೊಕಾನ್ ಮಾನಾಚೊ ಯೆವ್ಕಾರ್ ಕೆಲೊ. ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊನ್ ಇಗರ್ಜೆಚಾ ಪ್ರವೇಶ್ ದಾರ್ವಾಟ್ಯಾರ್ ಗೊವ್ಳಿ ಬಾಪಾಂಕ್ ಝೆಲೊ ಘಾಲ್ನ್ ಸ್ವಾಗತ್ ಕೆಲೊ. ಉಪ್ರಾಂತ್ ಸರ್ವ್ ಫಿರ್ಗಜ್ ಲೊಕಾನ್ ಗೊವ್ಳಿ ಬಾಪಾಂ ಸಾಂಗಾತಾ ದೇವ್ ಮಂದಿರಾಂತ್ ಪ್ರವೇಶ್ ಜಾವ್ನ್ ವಿವಿಧ್ ಪ್ರಾರ್ಥನಾಂ ಭೆಟಯ್ಲಿಂ. ಸಿಮಿಸ್ತ್ರೆಂತ್ ಸರ್‌ಲ್ಲ್ಯಾ ಭಾವಾರ್ಥ್ಯಾಂಚಾ ಅತ್ಮ್ಯಾ ಖಾತಿರ್ ಮಾಗೊನ್ ಗೊವ್ಳಿ ಬಾಪಾಂನಿ ಸಿಮಿಸ್ತ್ರ್ ಪವಿತ್ರ್ ಉದ್ಕಾನ್ ಬೆಂಜಾರ್ ಕೆಲೆಂ.
