By ByndoorchiZalak, Pics: Lawrence Fernandes, 28 May 2023
ಬೈಂದೂರ್: 2023-2024 ಶೈಕ್ಷಣಿಕ್ ವರ್ಸಾಕ್ ಕ್ರಿಸ್ತಾಂವ್ ಶಿಕ್ಷಣಾಚೆ ವರಸ್ ಉಗ್ತಾವಣ್ ಕಾರ್ಯಕ್ರಮ್ ಆಯ್ತಾರಾ ಸಕಾಳಿಂ ಚಲ್ಲೆಂ. ಕ್ರಿಸ್ತಾಂವ್ ಶಿಕ್ಷಣ್ ದೆವಾಚೆಂ ಉತರ್ ಜಿಯೆಂವ್ಕ್ ಪ್ರೇರಣ್ ಮ್ಹಳ್ಳೆಂ ಧ್ಯೇಯ್ ಘೇವ್ನ್ ಕ್ರೀಸ್ತಿ ಶಿಕ್ಷಣ್ ಶಿಕೊವ್ಣ್ ದಿಂವ್ಚ್ಯಾ ಶಿಕ್ಷಕಾಂನಿ, ಸರ್ವ್ ಕ್ಲಾಸಿಚಾ ಭುರ್ಗ್ಯಾಂನಿ ಪವಿತ್ರ್ ಪುಸ್ತಕ್, ಪಾಠ್ ಪುಸ್ತಕ್ ಆನಿ ವಾತ್ ಹಾತಿಂ ಘೇವ್ನ್ ವಿಗಾರಾಂ ಸಾಂಗಾತಾ ದೇವ್ ಮಂದಿರಾಂತ್ ಭಕ್ತಿಪಣಿಂ ಪ್ರವೇಶ್ ಕೆಲೆಂ. ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊನ್ ಪವಿತ್ರ್ ಪುಸ್ತಕ್ ವೆದಿಚೆರ್ ಮಾನಾಚಾ ಜಾಗ್ಯಾರ್ ದವ್ರುನ್ ಬೆಂಜಾರ್ ಕರುನ್ ಪವಿತ್ರ್ ಪುಸ್ತಕಾಕ್ ಮಾನ್ ಕೆಲೊ. ಕ್ರಿಸ್ತಾಂವ್ ಶಿಕ್ಷಣ್ ಆಯೋಗಾಚಿ ಸಂಚಾಲಕಿ ಆಶಾ ಲೋಬೊ ಸಾಂಗಾತಾ ಸರ್ವಾಂನಿ ವಾತ್ ಪೆಟೊವ್ನ್ ಕ್ರಿಸ್ತಾಂವ್ ಶಿಕ್ಷಣಾಚೆ ವರಸ್ ಉಗ್ತಾವಣ್ ಕೆಲೆಂ. ಕಾರ್ಯಕ್ರಮಾಂತ್ ಫಿರ್ಗಜ್ ಉಪಾಧ್ಯಕ್ಷ್, ಕಾರ್ಯದರ್ಶಿ ಆನಿ 20 ಆಯೋಗಾಚಿ ಸಂಚಾಲಕಿ ಹಾಜರ್ ಆಸ್‍ಲ್ಲಿಂ.
ಮೀಸಾಚಾ ಬಲಿದಾನಾ ಉಪ್ರಾಂತ್ ಧಾವ್ಯಾ ಕ್ಲಾಸಿಚಾ ಪರೀಕ್ಷೆಂತ್ ಉತ್ತೀಮ್ ಅಂಕ್ ಜೊಡ್‍ಲ್ಲ್ಯಾ ವಿದ್ಯಾರ್ಥಿಂಕ್ ವಿಗಾರಾನ್ ಗುಲೊಬ್ ದೀವ್ನ್ ಅಭಿನಂದನ್ ಪಾಟಯ್ಲೆಂ.
