By ByndoorchiZalak, Pics: Lawrence Fernandes, 06 Apr 2023
ಬೈಂದೂರ್: ಇಗರ್ಜೆ ಇಸ್ಕೊಲಾಂತ್ ಪಾಟ್ಲ್ಯಾ ಸಭಾರ್ ವರ್ಸಾಂ ಥಾವ್ನ್ ಮುಖ್ಯ್ ಶಿಕ್ಷಕಿ ಜಾವ್ನ್ ಸೆವಾ ದಿಲ್ಲ್ಯಾ ಸಿ| ಸಹಾಯ ಮೇರಿಕ್ ವಿದಾಯ್ ಮಾಗ್ಚೆಂ ಕಾರ್ಯಕ್ರಮ್ ಚಲ್ಲೆಂ. ಕಾರ್ಯಕ್ರಮಾಚೊ ಅಧ್ಯಕ್ಶ್ ಜಾವ್ನ್ ವಿಗಾರ್ ಮಾ| ಬಾ| ವಿನ್ಸೆಂಟ್ ಕುವೆಲ್ಲೊ, ಫಿರ್ಗಜ್ ಮಂಡಳಿ ಉಪಾಧ್ಯಕ್ಷ್ ಸ್ಟೀಫನ್ ಡಾಯಸ್, ಕಾರ್ಯದರ್ಶಿ ವೀಣಾ ಫೆರ್ನಾಂಡಿಸ್, 20 ಆಯೋಗಾಚಿ ಸಂಚಾಲಕಿ ಅನಿತಾ ನಜ್ರೆತ್, ಸಿ| ಆನ್ಸಿ ಪಾವ್ಲ್, ಸಿ| ಜ್ಯೋತಿ, ಪಾಸ್ಕಲ್ ನಜ್ರೆತ್, ರೊಬರ್ಟ್ ರೆಬೆಲ್ಲೊ, ಇಸ್ಕೊಲಾಚೆ ಸಮಿತಿ ಸಾಂದೆ ಲೊರೆನ್ಸ್ ಫೆರ್ನಾಂಡಿಸ್ ಅನಿ ಲವೀನಾ ಲೋಬೊ ಕಾರ್ಯಕ್ರಮಾಂತ್ ಹಾಜರ್ ಆಸ್‍ಲ್ಲಿಂ.
ವಿಗಾರಾನ್ ಸಿ| ಸಹಾಯ ಮೇರಿಕ್ ಶಾಲ್ ಪಾಂಗ್ರುನ್ ಆನಿ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಸನ್ಮಾನ್ ಕೆಲೆಂ. ಕಾರ್ಯಕ್ರಮಾಕ್ ಇಸ್ಕೊಲಾಚಿ ಶಿಕ್ಷಕಿ ರೇಣುಕಾನ್ ಸ್ವಾಗತ್ ಕೆಲೆಂ. ಆದ್ಲೊ ನಿವೃತ್ತ್ ಶಿಕ್ಷಕ್ ಸ್ಟ್ಯಾನಿ ಡಾಯಸಾನ್ ಧನ್ಯವಾದ್ ಪಾಟಯ್ಲೆಂ ಆನಿ ಶಿಕ್ಷಕಿ ಪೂರ್ಣಿಮಾನ್ ಕಾರ್ಯಕ್ರಮ್ ಚಲವ್ನ್ ವ್ಹೆಲೆಂ.
