By ByndoorchiZalak, Pics: Lawrence Fernandes, 22 Jan 2023
ಬೈಂದೂರ್: ಕಥೊಲಿಕ್ ಸಭಾ ಉಡುಪಿ ಪ್ರದೇಶ್ (ರಿ). ಬೈಂದೂರ್ ಘಟಕಾ ಥಾವ್ನ್ ಫಿರ್ಗಜೆಚಾ ಪ್ರತಿಭಾವಂತ್ ಭುರ್ಗ್ಯಾಂಕ್ ಪ್ರತಿಭಾ ಪುರಸ್ಕಾರ್ ಆನಿ ಭಾಷಣ್ ಸ್ಪರ್ಧ್ಯಾಂತ್ ವಿಜೇತ್ ಜಾಲ್ಲ್ಯಾಂಕ್ ಇನಾಮಾಂ ವಾಂಟ್ಚೆ ಕಾರ್ಯಕ್ರಮ್ ಆಯ್ತಾರಾ, ಜನೆರ್ 22 ತಾರೀಕೆರ್ ಫಿರ್ಗಜೆಚಾ ಮಿನಿ ಹೊಲಾಂತ್ ಚಲ್ಲೆಂ.
ಕಾರ್ಯಕ್ರಮಾಚೆ ಅಧ್ಯಕ್ಷ್ ಜಾವ್ನ್ ಫಿರ್ಗಜ್ ವಿಗಾರ್ ಮಾ| ಬಾ| ವಿನ್ಸೆಂಟ್ ಕುವೆಲ್ಲೊ, ಕಥೊಲಿಕ್ ಸಭಾ ಕುಂದಾಪುರ್ ವಾರಾಡೊ ಅಧ್ಯಕ್ಷ್ ಶಾಂತಿ ಪಿರೇರಾ, ಕಾರ್ಯಕ್ರಮಾಚೆ ಪೋಷಕ್ ರೊಮೆಲ್ ರೊಡ್ರಿಗಸ್, ಸುಧಿರ್ ರೊಡ್ರಿಗಸ್ ಆನಿ ಅನಿತಾ ಫೆರ್ನಾಂಡಿಸ್, ಕಥೊಲಿಕ್ ಸಭಾ ಬೈಂದೂರ್ ಘಟಕಾಚೆ ಪೂರ್ವ್ ಆಧ್ಯಕ್ಷ್ ಇಗ್ನೇಶಿಯಸ್ ನಜ್ರೆತ್ ಆನಿ ಪ್ರದೀಪ್ ಫೆರ್ನಾಂಡಿಸ್, ಪ್ರಸ್ತುತ್ ಅಧ್ಯಕ್ಷ್ ಜೊಸ್ಪಿನ್ ರೊಡ್ರಿಗಸ್ ಆನಿ ಕಾರ್ಯದರ್ಶಿ ಪಾಸ್ಕಲ್ ನಜ್ರೆತ್ ವೆದಿಚೆರ್ ಹಾಜರ್ ಆಸ್‍ಲ್ಲೆಂ.
ಫಿರ್ಗಜ್ ಮಂಡಳಿಕ್ ನವ್ಯಾನ್ ಚುನಾಯಿತ್ ಜಾಲ್ಲೆಂ ಹುದ್ದೆದಾರ್ ಉಪಾಧ್ಯಕ್ಷ್ ಸ್ಟೀಫನ್ ಡಾಯಸ್, ಕಾರ್ಯದರ್ಶಿ ವೀಣಾ ಫೆರ್ನಾಂಡಿಸ್ ಆನಿ 20 ಆಯೋಗಾಚಿ ಸಂಚಾಲಕಿ ಅನಿತಾ ನಜ್ರೆತಾಕ್ ಅಧ್ಯಕ್ಷ್ ಜೊಸ್ಪಿನ್ ರೊಡ್ರಿಗಸಾನ್ ಗುಲೊನ್ ದೀವ್ನ್ ಕಾರ್ಯಕ್ರಮಾಕ್ ಸ್ವಾಗತ್ ಕೆಲೆಂ.
ಧಾವಿ, ಪಿ.ಯು.ಸಿ., ಡಿಗ್ರಿ ಆನಿ ಸ್ನಾತಕೋತ್ತರ್ ಪದ್ವಿ ಶಿಕ್ಷಣಾಂತ್ ಉತ್ತಮ್ ಅಂಕ್ ಜೊಡ್‍ಲ್ಲ್ಯಾ ಸುಮಾರ್ 19 ವಿದ್ಯಾರ್ಥಿಂಕ್ ಪ್ರಶಸ್ತಿ ಪತ್ರ್ ಆನಿ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಪುರಸ್ಕಾರ್ ಕೆಲೆಂ. ಕಥೊಲಿಕ್ ಸಭಾ ಬೈಂದೂರ್ ಘಟಕಾನ್ ಮಾಂಡುನ್ ಹಾಡ್‍ಲ್ಲ್ಯಾ ಭಾಷಣ್ ಸ್ಪರ್ಧ್ಯಾಂತ್ ವಿಜೇತ್ ಜಾಲ್ಲ್ಯಾಂಕ್ ಇನಾಮಾಂ ವಾಂಟ್ಲೆ. ವಿಗಾರ್ ಮಾ| ಬಾ| ವಿನ್ಸೆಂಟ್ ಕುವೆಲ್ಲೊನ್ ಫಿರ್ಗಜೆಚಾ ಹಂತಾರ್ ತುಮಿ ಪ್ರತಿಭಾವಂತ್ ಜಾಲ್ಯಾತ್, ಮುಕಾರ್ ಆನಿಕೀ ಉಂಚ್ಲ್ಯಾ ಹಂತಾರ್ ತುಮಿ ಪ್ರತಿಭಾವಂತ್ ಜಾಯ್ಜಯ್ ಆನಿ ಮುಕಾರ್ ಅವ್ಕಾಸ್ ಆಸ್ತಾನಾ ಕಥೊಲಿಕ್ ಸಭಾ ಸಂಘಟನಾಕ್ ತುಮ್ಚೊ ವಾವ್ರ್ ದೀವ್ನ್ ಸೆವಾ ಭೆಟಂವ್ಕ್ ಜಾಯ್ ಮ್ಹಣ್ ಪ್ರತಿಭಾ ಪುರಸ್ಕಾರ್ ಜೊಡ್‍ಲ್ಲ್ಯಾ ವಿದ್ಯಾರ್ಥಿಂಕ್ ಸಂದೇಶ್ ಪಾಟಯ್ಲೆಂ.
ಕಾರ್ಯಕ್ರಮಾಕ್ ಅಧ್ಯಕ್ಷ್ ಜೊಸ್ಪಿನ್ ರೊಡ್ರಿಗಸಾನ್ ಸ್ವಾಗತ್ ಕೆಲೆಂ, ಕಾರ್ಯದರ್ಶಿ ಪಾಸ್ಕಲ್ ನಜ್ರೆತಾನ್ ಧನ್ಯವಾದ್ ಪಾಟಯ್ಲೆಂ ಆನಿ ಡ್ರೀಮಾ ರೆಬೆರಿಯೊನ್ ಕಾರ್ಯಕ್ರಮ್ ಚಲವ್ನ್ ವ್ಹೆಲೆಂ.
