ಸೌಹಾರ್ದ ಕ್ರಿಸ್ಮಸ್ ಆಚರಣ್

By ByndoorchiZalak, Pics: Lawrence Fernandes, 18 Dec 2022

---

ಬೈಂದೂರ್:ಕಥೊಲಿಕ್ ಸಭಾ ಉಡುಪಿ ಪ್ರದೇಶ್ (ರಿ.), ಕಥೊಲಿಕ್ ಸಭಾ ಕುಂದಾಪುರ್ ವಾರಾಡೊ, ಶೆವೊಟ್ ಪ್ರತಿಷ್ಟಾನ್ (ರಿ.) ಕುಂದಾಪುರ್ ವಾರಾಡೊ, ಸಿ.ಎಸ್.ಐ. ಕ್ರೀಸ್ತಾಂವ್ ಸಮಿತಿ ಕುಂದಾಪುರ್ ಆನಿ ಭಾಗೆವಂತ್ ಖುರ್ಸಾಚಿ ಫಿರ್ಗಜ್, ಬೈಂದೂರ್ ಹಾಂಚಾ ತರ್ಫೆನ್ ’ಸಹಾರ್ದ ಕ್ರಿಸ್ಮಸ್’ ಕಾರ್ಯಕ್ರಮ್ ಬೈಂದೂರ್ ಫಿರ್ಗಜೆಚಾ ಸಮುದಾಯ್ ಭವನಾಂತ್ ಆಯ್ತಾರಾ, ದಸೆಂಬರ್ 18 ತಾರೀಕೆರ್ ಆಚರಣ್ ಕೆಲೆಂ.
ಕಾರ್ಯಕ್ರಮಾಕ್ ಅಧ್ಯಕ್ಷ್ ಜಾವ್ನ್ ಶಾಂತಿ ಪಿರೇರಾ (ಅಧ್ಯಕ್ಷ್ ಕಥೊಲಿಕ್ ಸಭಾ ಕುಂದಾಪುರ್ ವಾರಾಡೊ), ಉಡುಪಿ ದಿಯೆಸೆಜ್ ಅಂತರ್ ಧರ್ಮೀಯ್ ಸಂವಾದ್ ಆಯೋಗಾಚೊ ದಿರೆಕ್ತೊರ್ ಮಾ| ಬಾ| ಲೂಯಿಸ್ ಡೆ’ಸಾ, ಬೈಂದೂರ್ ಫಿರ್ಗಜ್ ವಿಗಾರ್ ಮಾ| ಬಾ| ವಿನ್ಸೆಂಟ್ ಕುವೆಲ್ಲೊ, Karnataka Blood Helpcare (R.) ಹಾಚೊ ಸಂಚಾಲಕ್ ಶಂಸುದ್ದಿನ್ ಬಳ್ಕುಂಜೆ, ಡಾ| ಸುಬ್ರಮಣ್ಯ ಭಟ್ (ಪ್ರಗತಿಪರ ಚಿಂತಕರು), ಕುಂದಾಪುರ್ ವಾರಾಡೊ ವಿಗಾರ್ ಮಾ| ಬಾ| ಸ್ಟ್ಯಾನಿ ತಾವ್ರೊ, ರೆ| ದಿಲನ್ ಚಕ್ರವರ್ತಿ ದಾಸ್ (ಸಿ,ಎಸ್.ಐ. ಕೃಪಾ ಚರ್ಚ್ , ಕುಂದಾಪುರ್), ಬೈಂದೂರ್ ಸೈಂಟ್ ಥೋಮಸ್ ಇಸ್ಕೊಲಾಚೊ ಪ್ರಿನ್ಸಿಪಾಲ್ ರೆ| ಜೇಸನ್ ನೆಲ್ಲಿವಿಲ್ಲಾ, ಮೇಬಲ್ ಡಿ’ಸೋಜಾ (ಪೂರ್ವ್ ಅಧ್ಯಕ್ಷ್ ಕಥೊಲಿಕ್ ಸಭಾ ಕುಂದಾಪುರ್ ವಾರಾಡೊ), ಬೈಂದೂರ್ ಫಿರ್ಗಜ್ ಮಂಡಳಿ ಪ್ರಸ್ತುತ್ ಉಪಾಧ್ಯಕ್ಷ್ ಸ್ಟ್ಯಾನಿ ಡಾಯಸ್ ಸಭಾ ಕಾರ್ಯಕ್ರಮಾಂತ್ ವೆದಿಚೆರ್ ಹಾಜರ್ ಆಸ್‍ಲ್ಲೆಂ.
ಬಾ| ಲೂಯಿಸ್ ಡೆ’ಸಾನ್ ಕಾರ್ಯಕ್ರಮ್ ಉದ್ಫಾಟನ್ ಕೆಲೆಂ. ಬಾ| ವಿನ್ಸೆಂಟ್ ಕುವೆಲ್ಲೊನ್ ಕ್ರಿಸ್ಮಸ್ ಸಂದೇಶ್ ಪಾಟಯ್ಲೆಂ. ಹ್ಯಾ ಸಂದರ್ಭಾರ್ ಸಮಾಜ್ ಸೆವಾ ದಿಲ್ಲ್ಯಾ ಶೇಖ್ ಪಯಾಜ್ ಆಲಿ (ರಕ್ತದಾನ್), ಪ್ರವೀಣ್ ಆಚಾರಿ (ಅಂಬುಲೆನ್ಸ್ ಸೆವಾ) ಆನಿ ಮಿಲಿಯಾನ ಲೋಬೊ (ನರ್ಸ್, ಸರ್ಕಾರಿ ಆಸ್ಪತ್ರ್ ಬೈಂದೂರ್) ಹಾಂಕಾ ವೆದಿಚೆರ್ ಸನ್ಮಾನ್ ಕರುನ್ ಗೌರವ್ ಪಾಟಯ್ಲೆಂ.
ಶೆವೊಟ್ ಪ್ರತಿಷ್ಟಾನ್ (ರಿ.) ಕುಂದಾಪುರ್ ಹಾಚೊ ಅದ್ಯಕ್ಷ್ ವಿನೋದ್ ಕ್ರಾಸ್ತಾ, ಕಥೊಲಿಕ್ ಸಭಾ ಕುಂದಾಪುರ್ ವಾರಾಡೊ ಕಾರ್ಯದರ್ಶಿ ಪ್ರೇಮಾ ಡಿ’ಕುನ್ಹಾ, ಕಾರ್ಯಕ್ರಮಾಚೆ ಸಂಚಾಲಕ್ ಜೊಸ್ಪಿನ್ ರೊಡ್ರಿಗಸ್ ಆನಿ ಕಾರ್ಯಕ್ರಮಾಚೆ ಸಹ ಸಂಚಾಲಕ್ ಜೀವನ್ ಸಾಲಿನ್ಸ್ ಕಾರ್ಯಕ್ರಮಾಂತ್ ಹಾಜರ್ ಆಸ್‍ಲ್ಲೆಂ. ದಿವ್ಯಾ ನಜ್ರೆತ್ ಆನಿ ಸಿರಿಲ್ ರೆಬೆರಿಯೊನ್ ಕಾರ್ಯಕ್ರಮ್ ಚಲವ್ನ್ ದಿಲೆಂ.