ಆಧುನಿಕ್ ಶಿಕ್ಷಣ್ ಅಧ್ಯಯನಾಂತ್ ಆಸಕ್ತ್ ವಾ ದಬಾವ್?

[ಅತಾಂ ಮ್ಹಜ್ಯಾ ಶಿಕ್ಪಾಚಿ ಖಂತ್ ಸೊಡ್ನ್ ಮ್ಹಜ್ಯಾ ನೆಣ್ತ್ಯಾ ಧುವೆಚಾ ಶಿಕ್ಪಾವಿಶಿಂ ಚಿಂತ್ಚೊ ಕಾಳ್ ಆಯ್ಲ್ಯಾ... ಅದಿಂ ವ್ಹಡಿಲಾಂಕ್ ಆಮಿ ಇಸ್ಕೊಲಾ ವೆತಾನಾ ಆಮ್ಚ್ಯಾ ಶಿಕ್ಪಾವಿಶಿಂ ಖಂತ್ ನಾತ್ ಲ್ಲಿಂ, ಚಡಿತ್ ಕುಟ್ಮಾಂ ದುಬ್ಳಿಕಾಯ್ ಭರೊನ್ ಏಕಾ ದಿಸಾಚಾ ದಿಸ್ಪೊಡ್ತ್ಯಾ ಗ್ರಾಸಾಕ್ ತತ್ವಾರ್ ಆಸ್ತಾನಾ ಶಿಕ್ಪಾ ವಿಶಿಂ ಚಿಂತೊಂಕ್ ಪುರ್ಸತ್ ತಾಂಕಾ ನಾತ್ ಲ್ಲೆಂ, ತರೀ ಮ್ಹಜೊ ಪುತ್/ಧುವ್ ಬರೆಂ ಶಿಕಪ್ ಶಿಕೊನ್ ಮುಖಾರ್ ವ್ಹಡ್ ಕಾಮಾರ್ ಆಸೊನ್ ಆಮ್ಚ್ಯಾ ಕುಟ್ಮಾಚಿ ಪರಿಸ್ಥಿತಿ ಬದಲ್ತಲಿ ಮ್ಹಳ್ಳಿ ಮಹತ್ತರ್ ಆಶಾ ಆನಿ ಸ್ವಪ್ಣಾಂ ಆಸ್ ಲ್ಲಿಂ.....]

ಗೆಲೆತ್ಯಾ ಹಫ್ತ್ಯಾಂತ್ ಗಾಂವ್ಚ್ಯಾ ಧರ್ತಿರ್ ಪಾವ್ಸಾ ಥೆಂಬ್ಯಾಚೊ ಸ್ಪರ್ಶ್ ಜಾವ್ನ್ ಧರ್ತೆಚೊ ದಾವ್ ಥಾಂಬ್ಲ್ಯಾ, ಪ್ರಥ್ವಿ ಪರತ್ ಅಪ್ಣಾಚೆ ಪಾಚ್ವೆ ನ್ಹೆಸಾಣ್ ನ್ಹೆಸೊಂಕ್ ತಯಾರ್ ಜಾಲ್ಯಾ, ಸಾಗೊಳೆಚೊ ಆಪ್ಣಾಚಿ ಆನಿ ಲೊಕಾಚಿ ಭುಕ್ ಥಾಂಬವ್ಕ್ ನವ್ಯಾ ಹುರುಪಾನ್ ಗಾದ್ಯಾಂತ್ ದೆಂವ್ಲಾ ಆನಿ ಅಬ್ಳೆ ಇಸ್ಕೊಲಾಕ್ ವೆಚಿ ಭುರ್ಗಿಂ ಸಾತೆಂ-ಪೊತೆಂ ಘೇವ್ನ್ ಪರತ್ ಏಕ್ ಶೈಕ್ಷಣಿಕ್ ವರ್ಸಾಕ್ ಫುಡ್ ಕರುಂಕ್ ತಯಾರ್ ಜಾಲ್ಯಾತ್, ಧಾವಿ ಸಂಪಯ್ಲ್ಯಾಂಕ್ ಮುಖಾರ್ ಹಾಂವೆ ಕಿತೆಂ ಜಾಯ್ಜಯ್ ಮ್ಹಳ್ಳೆಂ ಚಿಂತಾಪ್ ತರ್, ಪಿ.ಯು.ಸಿ. ಸಂಪ್ಲ್ಯಾ ಕಿತೆಂ ಕಾಣ್ಘೆಂವ್, ಖಂಚೆ ಕೋರ್ಸ್, ಸೀಟ್ ಮೆಳಾತ್ ಗೀ? ಖಂಚೊ ಶಿಕ್ಪಾಚೊ ಸಂಸ್ಥೊ ಬರೊ ಅಶೆಂ ಸವಾಲಾಂ ತರ್, ವ್ಹಡಿಲಾಂಕ್ ಪುತಾ/ಧುವೆಚಾ ಶಿಕಪ್, ಶಿಕಪ್ ಶಿಕೊಂಕ್ ಲಾಗ್ಚ್ಯಾ ಖರ್ಚಾಚೊ, ಡೊನೇಶನ್ ಆನಿ ತಾಂಚಾ ಫುಡಾರಾಚೊ ಖಂತ್....... ಡಿಗ್ರಿ ಆನಿ ಇತರ್ ಶಿಕಾಪ್ ಸಂಪಯ್ಲಿಂ ಯುವಜಣಾಂ ಮುಕ್ಲ್ಯಾ ಫುಡಾರಾಚಿ ದಿಶಾ ಸೊದ್ಚ್ಯಾ ಸೊದ್ನೆರ್ ಕುಟಾಮ್ ಆನಿ ಗಾಂವ್ ಸೊಡುನ್ ವೆಚಿ ನಿರ್ವೊಗ್ ನಾತ್ ಲ್ಲಿಂ ಪರಿಸ್ಥಿತಿ.......
ಲ್ಹಾನ್ಪಣ್, ವಿದ್ಯಾರ್ಥಿ ಜೀವನ್ ಆನಿ ಯುವ ಹಂತಾಚೆ ಜೀವನ್ ಸಂಪವ್ನ್, ಗ್ರಹಸ್ಥ್ ಜೀವಾನಾಚಿ ಥೊಡಿಂ ವರ್ಸಾಯೀ ಹಾಂವೆ ಸಂಪಯ್ಲಿ.... ಅತಾಂ ಮ್ಹಜ್ಯಾ ಶಿಕ್ಪಾಚಿ ಖಂತ್ ಸೊಡ್ನ್ ಮ್ಹಜ್ಯಾ ನೆಣ್ತ್ಯಾ ಧುವೆಚಾ ಶಿಕ್ಪಾವಿಶಿಂ ಚಿಂತ್ಚೊ ಕಾಳ್ ಆಯ್ಲ್ಯಾ... ಅದಿಂ ವ್ಹಡಿಲಾಂಕ್ ಆಮಿ ಇಸ್ಕೊಲಾ ವೆತಾನಾ ಆಮ್ಚ್ಯಾ ಶಿಕ್ಪಾವಿಶಿಂ ಖಂತ್ ನಾತ್ ಲ್ಲಿಂ, ಚಡಿತ್ ಕುಟ್ಮಾಂ ದುಬ್ಳಿಕಾಯ್ ಭರೊನ್ ಏಕಾ ದಿಸಾಚಾ ದಿಸ್ಪೊಡ್ತ್ಯಾ ಗ್ರಾಸಾಕ್ ತತ್ವಾರ್ ಆಸ್ತಾನಾ ಶಿಕ್ಪಾ ವಿಶಿಂ ಚಿಂತೊಂಕ್ ಪುರ್ಸತ್ ತಾಂಕಾ ನಾತ್ ಲ್ಲೆಂ, ತರೀ ಮ್ಹಜೊ ಪುತ್/ಧುವ್ ಬರೆಂ ಶಿಕಪ್ ಶಿಕೊನ್ ಮುಖಾರ್ ವ್ಹಡ್ ಕಾಮಾರ್ ಆಸೊನ್ ಆಮ್ಚ್ಯಾ ಕುಟ್ಮಾಚಿ ಪರಿಸ್ಥಿತಿ ಬದಲ್ತಲಿ ಮ್ಹಳ್ಳಿ ಮಹತ್ತರ್ ಆಶಾ ಆನಿ ಸ್ವಪ್ಣಾಂ ಆಸ್ ಲ್ಲಿಂ.
ಆಮ್ಚ್ಯಾ ಫಿರ್ಗಜೆಂತ್ 25-30 ವರ್ಸಾಂ ಪಯ್ಲೆಂ ನದರ್ ಘಾಲ್ನ್ ಪಳೇಂವ್ ತರ್ ಇಗರ್ಜೆ ಇಸ್ಕೊಲಾಂತ್ ಚಡಾವತ್ ಶಿಕ್ತಾಲಿಂ, ಘರಾಂತ್ ದುಬ್ಳಿಕಾಯ್ ಭರೊನ್ ಆಸ್ತಾನಾ ಘರ್ಚ್ಯಾ ಆದಾಯಾಕ್ ಭುರ್ಗ್ಯಾಂಚೆ ಶಿಕ್ಷಣಾಕ್ ಕಾತ್ರಾಪ್ ಜಾವ್ನ್ ಬೊಂಬಯ್ ಗಾಂವಾಕ್ ವಾಟ್ ಧರ್ಚಿ ಪರಿಸ್ಥಿತಿ ಚಡಾವತ್ ಕುಟ್ಮಾಂತ್ ಆಸ್ ಲ್ಲಿಂ, ಮಾಗಿರ್ಚಾ ವರ್ಸಾಂ ಹೈಸ್ಕೂಲ್ ಆನಿ ಧಾವಿ ಪುಣೀ ಶಿಕಯ್ಜಯ್ ಮ್ಹಳ್ಳಿ ಆಶಾ ತರ್, ಥೊಡ್ಯಾಂನಿ ಸ್ಕೊಲರ್ಶಿಪಾ ಮಾರಿಫಾತ್ ಬೈಂದೂರ್, ಕುಂದಾಪುರ್ಚಾ ಕೊಲೆಜಿನಿ ಡಿಗ್ರಿ ಸಂಪಯ್ಲೆ ಆನಿ ಥೊಡ್ಯಾಂನಿ ಪ್ರತಿಷ್ಟಿತ್ ಸಾಂ ಲುವಿಸ್ ಆನಿ ಸಾಂ ಆಗ್ನೆಸ್ ಶಿಕ್ಷಣ್ ಸಂಸ್ಥ್ಯಾನಿ ಶಿಕ್ ಲ್ಲಿಂ ಆಸಾತ್ ನಿಜಾಯ್ಕಿ ಆಮಿ ಸಂತೊಸ್ ಪಾವಾಜಾಯ್, ಕಿತ್ಯಾಕ್ ಆತಾಂಚೆ ಪರಿಂ ಶಿಕ್ಷಣಾಕ್ ತಿತ್ಲೆಂ ಕಾಂಯ್ ಪ್ರಾಮುಖ್ಯ್ ತ್ಯಾ ಕಾಳಾರ್ ನಾತ್ ಲ್ಲೆಂ ತರಿಯೀ, ಬರೆಂ ಶಿಕಪ್ ಸಂಪವ್ನ್ ಆಜ್ ಗಾಂವಾತ್ ಆನಿ ಪರ್ಗಾವಾಂತ್ ವೊಸೊನ್ ವಿವಿಧ್ ಹುದ್ದೆ ಸಾಂಬಾಳುನ್ ಆಸಾತ್, ಥೊಡಿಂ ಘನಾಚೆ ಹುದ್ದ್ಯಾರ್ ಆಸಾತ್ ಮ್ಹಣೊಂಕ್ ಸಂತೊಸ್, ಸಾಂಗಾತಾ ಇಸ್ಕೊಲಾಂತ್ ಪಾಟ್ಲ್ಯಾ ಬಾಂಕಾರ್ ಆಸೊನ್ ಬಡ್ಡ್ ತಕ್ಲೆಚೊ ದಾಡ್ಡೊ ಮ್ಹಣ್ ವೊಲಾಯ್ಲೆಂ ವಿಧ್ಯಾರ್ಥಿ ಆಜ್ ವ್ಹಡ್ ಅಧಿಕಾರಿ ವಾ ವ್ಯಾಪಾರ್ ಉದ್ಯಮಾಂತ್ ಫಾಮಾದ್ ಜಾಲ್ಯಾಂತ್.
ಗಾಂವಾಂತ್ ಆಜ್ ಶಿಕ್ಷಣಾಚೆ ಮಟ್ಟ್ ಸಂಪೂರ್ಣ್ ಬದಲ್ಲ್ಯಾ, ಶಿಕಪ್ ಶಿಕೊಂಕ್ ಅವ್ಕಾಸ್ ಭರ್ಪೂರ್ ಆಸಾ, ಘರಾಂತ್ ದುಬ್ಳಿಕಾಯ್ ಮ್ಹಳ್ಳಿಂ ಕುಟ್ಮಾಂ ಉಣೆಂ ಮ್ಹಣ್ಯೆತ್, ಪ್ರತಿಭಾನ್ವಿತ್ ವಿದ್ಯಾರ್ಥಿಂಕ್ ಫಿರ್ಗಜ್ ಯಾ ಥೊಡ್ಯಾಂ ಸಂಘ್-ಸಂಸ್ಥ್ಯಾಚೊ ಆರ್ಥಿಕ್ ಕುಮ್ಕೆಚೊ ಹಾತ್ ಆಸಾ, ಸರ್ಕಾರಾ ಥಾವ್ನ್ ಶಿಕ್ಷಣಾಚೆ ಪ್ರಾಮುಖ್ಯತಾ ಆನಿ ಸೌಲತ್ ಚಡ್ಲ್ಯಾ, ಸಮರ್ಪಕ್ ವಿದ್ಯಾ ಶಿಕ್ಷಣ್ ಆಟಾಪುನ್ ಸರಳ್ ರಿತೀನ್ ಶಿಕ್ಷಣ್ ಶಿಕಂವ್ಚಿ ಕಲಾ ಇಸ್ಕೊಲಾಂನಿ ಲಾಗು ಕೆಲ್ಯಾತ್. ಶಿಕ್ಷಣಾಕ್ ಸಭಾರ್ ಖಾಸ್ಗಿ ಶಿಕ್ಷಣ್ ಸಂಸ್ಥೆ ಲಾಗಿಂಚ್ ಉಬೆ ಜಾಲ್ಯಾತ್. ಥೊಡ್ಯಾ ಶಿಕ್ಷಣ್ ಸಂಸ್ಥ್ಯಾಂತ್ ಶಿಕ್ಷಣಾಚೆ ವ್ಯಾಪಾರೀಕರಣ್ ಜಾಂವ್ಚ್ಯಾ ಸಂಗೀ ಬುದ್ವಂತ್ ವಿದ್ಯಾರ್ಥಿಂಕ್ ಮಾತ್ರ್ ಅವ್ಕಾಸ್ ಜಾವ್ನ್ ಪ್ರತಿಷ್ಟಾ ಉರಂವ್ಚೆ ಖಾತಿರ್ ಬುದ್ವಂತ್ ವಿದ್ಯಾರ್ಥಿ ತಯಾರ್ ಕರ್ಚೆ ಕಾರ್ಖಾನೊ ಜಾವ್ನ್ ವಿದ್ಯಾರ್ಥಿಂಕ್ ಆನಿ ವ್ಹಡಿಲಾಂಕ್ ಎಕಾ ಥರಾಚಿ ಕರಂದಾಯ್. ಇಸ್ಕೊಲಾಂತ್ ಆನಿ ಘರಾಂತ್ ಬರೆಂ ಅಂಕ್ ಜೊಡಿಜಾಯ್ ಮ್ಹಳ್ಳ್ಯಾ ದಬಾವಾನ್ ಭುರ್ಗ್ಯಾಂಚಿ ಚಡಿತ್ ವೇಳ್ ಹೋಮ್ ವರ್ಕ್, ಟ್ಯೂಶನ್ ಮ್ಹಣ್ ಭುರ್ಗ್ಯಾಚಾ ಮತಿಂತ್ ಮಾನಸಿಕ್ ಅಸಮತೋಲನ್ ಜಾವ್ನ್ಂಚ್ ಆಸಾ.
ಪಯ್ಲೆಂಚಾ ಶಿಕ್ಷಣಾಂತ್ ಆನಿ ಆತಾಂಚಾ ಶಿಕ್ಷಣಾಂತ್ ಫರಕ್ ವ್ಹಡ್ ಆಸಾ. ಪಯ್ಲೆಂ ವ್ಹಡಿಲಾಂ ಇಸ್ಕೊಲಾಕ್ ಭರ್ತಿ ಕರ್ಚ್ಯಾ ದಿಸಾ ಆಯ್ಲಿಂ ತರ್ ಮಾಗಿರ್ ಇಸ್ಕೊಲಾಚೆ ತೊಂಡ್ ಪಳೆಂವ್ಚೆ ಆಪ್ಲ್ಯಾ ಆನ್ಯೇಕಾ ಭುರ್ಗ್ಯಾಕ್ ಭರ್ತಿ ಕರ್ತಾನಾ, ವರ್ಸಾಕ್ ಏಕ್ ಪಾವ್ಟಿ ನೋಟ್ ಬುಕ್ಸ್, ಪೆನ್ನ್-ಪೆನ್ಸಿಲ್ ಇತ್ಯಾದಿ ದಿಲೆಂ ತರ್ ವ್ಹಡಿಲಾಂಚೆ ಕರ್ತವ್ಯ್ ಸಂಪ್ತಾಲೆ, ಬಾಕಿಚೆ ವಿಧ್ಯಾರ್ಥಿಕ್ ಆನಿ ಟಿಚರಾಕ್ ಸೊಡ್ ಲ್ಲೆಂ. ಆತಾಂ LKG ಥಾವ್ನ್ ಡಿಗ್ರಿ ಅನಿಂ ಕಿತೆಂ ಕೋರ್ಸ್ ಜಾವ್ನ್ ಕಾಮಾಕ್ ಲಾಗೊನ್ ಕಾಜಾರ್ ಜಾತಾ ಪರ್ಯಾಂತ್ ಭುರ್ಗ್ಯಾಚಿ ಖಂತ್, ಪಯ್ಲೆಂ ಶಿಕಪ್ ಶಿಕ್ತಾನಾ ದಬಾವ್ ನಾತ್ ಲ್ಲೆಂ ಅತಾಂ ಶಿಕಪ್ ಶಿಕ್ತಾನಾ ಎಕಾ ರಿತೀಚೊ ಸ್ಪರ್ದೊ, ಪಯ್ಲೆಂ ಇಸ್ಕೊಲಾಕ್ ಹಾಜ್ರಿ ಉಣೆಂ, ವರ್ಸಾಂ ವರ್ಸಾಂ ಡುಮ್ಕಿ ಘಾಲ್ನ್ ಸಾತ್ವಿ ಸಂಪ್ತಾನಾ ಮಿಶಿಯೊ ಫುಟ್ಚೊ ವೇಳ್ ಆಯ್ಲೊ ಶಿಕ್ ಲ್ಲೆಂ ಪುರೊರೆ ಪುತಾ ಬೊಂಬಯ್ ಹೊಟ್ಲಾಂತ್ ಗಿಲಾಸ್ ಧುಂವ್ಕ್ ಬೊಂಬಯ್ಚಿ ವಾಟ್. ತರಿಯೀ ತ್ಯಾ ಕಾಳಾರ್ ಶಿಕ್ಷಣಾಂತ್ ಏಕ್ ಥರಾಚಿ ಖುಶಿ ಆಸೊನ್ ವಿದ್ಯಾರ್ಥಿ ಜೀವನಾಂತ್ ಶಿಕ್ಷಣ್ ಮ್ಹಳ್ಳೆಂ ವೊಜೆಂ ನಾತ್ ಲ್ಲೆಂ. ಪುಣ್ ಆತಾಂಚಾ ಶಿಕ್ಷಣಾಂತ್ ವಿಧ್ಯಾರ್ಥಿಕ್, ವ್ಹಡಿಲಾಂಕ್ ಆನಿ ಟಿಚರಾಂಕ್ ದಬಾವ್ ಚಡೊನ್ ವಿದ್ಯಾರ್ಥಿಂಚಿ ಲ್ಹಾನ್ಪಣಾಚಿ ಸುಖ್ ನಾಂಚ್ ಜಾಲ್ಯಾ ಮ್ಹಣ್ ಭೊಗ್ತಾ. LKG ವೆಚಾ ಬಾಳಾಚೆ ಪೊತೆಂ ಪಳೆತಾನಾ ಶಿಕಪ್ ಮ್ಹಳ್ಳೆ ಘೋರ್ ವತ್ತಡ್ ತಾಚೆರ್ ಆಸಾ ಮ್ಹಣ್ ಸಮ್ಜತಾ!
ಚಡಾವತ್ ಜಾವ್ನ್ ಭುರ್ಗ್ಯಾಂಕ್ ಇಂಗ್ಲಿಷ್ ಮಾಧ್ಯಮಾಂನಿ ಆಮಿ ಭರ್ತಿ ಕರ್ತಾಂವ್, ಮಾಗಿರ್ ಭುರ್ಗ್ಯಾಂಚೆ marks, activities, ಕ್ಲಾಸಿಂತ್ ಸಕ್ಕಡ್ ಭುರ್ಗ್ಯಾ ವರ್ನಿಂ ಮ್ಹಜೆ ಭುರ್ಗ್ಯಾಚೆ marks ಚಡ್ ಆಸಾಜಾಯ್, ಕ್ಲಾಸಿಂತ್ top ಆಸಾಜಾಯ್ ಅಸಲೆಂ status ವ್ಹಡಿಲಾಂ ಥಂಯ್ ಆಸಾ ತರ್ ತಾಕಾ ಘರಾಂತಿ ಶಿಕ್, ಶಿಕ್ ಮ್ಹಣ್ ವತ್ತಡ್ ಘಾಲ್ನ್ ಅತೀ ಶಿಸ್ತ್ ತಾಂಚೆರ್ ಘಾಲ್ನ್ ತಾಂಚೆ ಭುರ್ಗ್ಯಾ ಪಣಾಲೆಂ ಸುಖ್ ಚಾಕ್ಚ್ಯಾ ಖುಶೆಕ್ ಕುರಾಡ್ ಘಾಲ್ತಲೆಂ ಕಿತ್ಲಿಶಿಂ ವ್ಹಡಿಲಾಂ ಆಸಾತ್. ಭುರ್ಗ್ಯಾಂಕ್ ಶಿಸ್ತ್ ಜಾಯ್ ಪುಣ್ ಹಾತ್ ಪಾಂಯಾಕ್ ಸರ್ಪಳಿ ಬಾಂದುನ್ ನ್ಹಯ್, ಭುರ್ಗ್ಯಾಂಚೆರ್ ನಿಗಾ ದವರುಂಕ್ ಜಾಯ್ ಪುಣ್ ಹರ್ಯೆಕ್ ಚಟುವಟಿಕೆಕ್ ನಿರ್ಭಂಧ್ ಯಾ ಸವಾಲಾಂ ಘಾಲ್ನ್ ನ್ಹಯ್! ಮ್ಹಜೊ ಭುರ್ಗೊ ಇಜ್ನೆರ್ ಜಾಯ್ಜಯ್, ದೊತೊರ್ ಜಾಯ್ಜಯ್ ಮ್ಹಳ್ಳಿ ಸ್ವಪ್ಣಾಂ ಸಹಜ್ ಪುಣ್ ಧಾವಿ, ಪಿ.ಯು.ಸಿ. ಪಾಸ್ ಜಾತಾನಾ ತಾಚಿ ಸಾಮರ್ಥಿ ವಾ ತಾಕಾ ಖಂಚೆ Sಉಬ್ಜೆcಟ್ ಗರ್ಜ್ ಮ್ಹಳ್ಳೆಂ ಸಮ್ಜೊನ್, ತ್ಯಾ ತ್ಯಾ ಸನ್ನಿವೇಶಾ ಪ್ರಕಾರ್ ತಾಕಾ ಕುಮಕ್ ಕರ್ಚೆ ಬರೆಂ.... ಶಿವಾಯ್ ತಾಚಾ ಖುಶೆಕ್ ಆಡ್ ಗೆಲ್ಯಾರ್ ಫುಡಾರಾಕ್ ಕುರಾಡ್ ಮಾರ್ ಲ್ಲ್ಯಾ ಪರಿಂ ಜಾಯ್ತ್.
ತರಿಯೀ ಶಿಕಪ್ ಗರ್ಜ್, ಆಮ್ಚ್ಯಾ ಭುರ್ಗ್ಯಾಂನಿ ಶಿಕಜಾಯ್ ಸಾಂಗಾತಾ ಜೀವನಾಚಾ ತ್ಯಾ ತ್ಯಾ ಹಂತಾರ್ ತಾಣೆ ಅಶೆಂವ್ಚ್ಯಾ ಖುಶೆಕ್ ಸರಿ ಜಾವ್ನ್, ನೈತಿಕ್ ಶಿಸ್ತ್ ಆನಿ ಖುಶಿ ದೀವ್ನ್ ವಾಗಂವ್ಚೆ ಬರೆಂ, ಸಾಂಗಾತಾ ಆಮಿ ಆಮ್ಚೆಂ ಧಾರ್ಮಿಕ್ ಶಿಕಪ್ ದೊತೊರ್ನ್, ಮೀಸ್, ಘರಾಂತ್ ಮಾಗ್ಣೆಂ, ರಜಾರ್, ವ್ಹಡಿಲಾಂಕ್ ಖಾಲ್, ಗೌರವ್ ದಾಖಂವ್ಚಿ ರೀತ್ ಆಮಿ ವಾಪರ್ಲೆ ತರ್ ಯುವ ಪ್ರಾಯೆರ್ ವಾ ತಾಂಚಾ ಮುಕ್ಲ್ಯಾ ಫುಡಾರಾಚೆರ್ ತಿಂಚ್ ನಿಯಮಾಂ ಪಾಳ್ತೆಲಿಂ, ದೆಕುನ್ ಆಮಿ ವ್ಹಡಿಲಾಂ ಭುರ್ಗ್ಯಾಂಚೆ marks ವಾ smart ಮ್ಹಳ್ಳೆ ಸೊಧುಂಕ್ ವೆಚೆ ನಾಕಾ ಜೀವನಾಂತ್ ಹೆಂಚ್ ಮುಖ್ಯ ನ್ಹಯ್, ಜಿವಿತಾಚಾ ಶಿಕ್ಷಣಾಂತ್ ಉಣೆಂ marks ಜೊಡ್ಲ್ಯಾರಿ, ಜಿಣ್ಯೆಚಾ ಶಿಕ್ಷಣಾಂತ್ ಚಡ್ marks ಜೊಡುಂಕ್ ಜಾಯ್ ಮ್ಹಳ್ಳಿ ಸಮ್ಜೊಣಿ ಆಮ್ಚೆಂ ಥಂಯ್ ಆಸೊಂ. ಇಸ್ಕೊಲಾಚಾ ಶಿಕ್ಷಣಾಂತ್ ಹಾತ್ ಭರ್ marks ನಾತ್ಲ್ಯಾರಿ, ಜಿವಿತಾಚಾ ಶಿಕ್ಷಣಾಂತ್ ಬರೆಂ ವಾವ್ರ್ ಕರ್ನ್, ಹೆರಾಂಕ್ ಉಪ್ಕಾರಿ ಜಾವ್ನ್ ಜಿವಿತಾಚಾ ಅಧ್ಯಯಾಂತ್ 100% ಮಾರ್ಕ್ಸ್ ಜೊಡ್ ಲ್ಲಿಂ ಆಸಾತ್. ಆಯ್ಚಾ ಪ್ರಚಲಿತ್ ಶಿಕ್ಷಣಾಚೊ ಮಟ್ಟ್ ಚಡೊನ್ ಆಯ್ಲ್ಯಾರೀ ನೈತಿಕ್ ಆನಿ ಧಾರ್ಮಿಕ್ ಶಿಕ್ಷಣಾ ಥಂಯ್ ಉರ್ಬಾ ವ್ಹಡಿಲಾಂ ಆನಿ ಭುರ್ಗ್ಯಾಂ ಮಧೆಂ ನಾ ಜಾಲಾ, ದೆಕುನ್ ಜಿಣ್ಯೆಚಿ ನೈತಿಕ್ ರೀತ್ ವಿಸರ್ನ್ ನಾ ಪಸಂದೆಚಿ ಜಿಣ್ಯೆ ರೀತ್ ಚಡೊನ್ಂಚ್ ಆಸಾ......... ಅಶೆಂ ಆಸ್ತಾ ಆಮಿ ವ್ಹಡಿಲಾಂ ಭುರ್ಗ್ಯಾಂಕ್ ಶಿಕ್ಷಿತ್ ಕರ್ತಾನಾ ದಬಾವ್ ನಾಕಾ, ಸಮಾಜೆಂತ್ ಬರ‍್ಯಾ ಶೆಗುಣಾಂನಿ ಬರೆಂ ನಾಗರಿಕ್ ಜಾವ್ನ್ ಭುರ್ಗ್ಯಾಂಕ್ ವಾಡೊಂಕ್ ಆಮ್ಚೆಂ ತರ್ಬೇತಿ ಆನಿ ಪ್ರೇತನ್ ಜಾಂವ್.
ಹ್ಯಾ ದಿಸಾಂನಿ ವ್ಹಡಿಲಾಂ ಆನಿ ವಿಧ್ಯಾರ್ಥಿ ಎಡ್ಮೀಶನ್ ಆನಿ ಇತರ್ ರಾಟವಳೆಂತ್ ಆಸಾತ್. ವ್ಹಡಿಲಾಂ ಭುರ್ಗ್ಯಾಂಚಾ ಬರೆಂ ಪಣಾಂ ಖಾತಿರ್ ವಾವುರ್ತಾನಾ, ಭುರ್ಗ್ಯಾಂಕ್ ಬರೆಂ ಭವಿಷ್ಯ್ ಲಾಭಾಜಾಯ್ ಮ್ಹಳ್ಳ್ಯಾ ಇರಾದ್ಯಾನ್ ಪಯ್ಶಿಲ್ಯಾ ಶ್ಹೆರಾಂತ್ಲ್ಯಾ ಶಿಕ್ಷಣ್ ಸಂಸ್ಥ್ಯಾಂತ್ ದಾಖಲ್ ಕರ್ತಾನಾ ಭುರ್ಗ್ಯಾನಿಂ ತಾಂಚಿ ಸ್ವಪ್ಣಾಂ ಖರಿಂ ಕರುಂಕ್ ಆಪ್ಲೆ ಶಿಕಾಪ್ ಬರ‍್ಯಾ ರೀತಿನ್ ಶಿಕೊಂಕ್, ಉಂಚ್ಲೆ ಶಿಕಪ್ ಶಿಕೊಂಕ್ ವೆತೆಲ್ಯಾಂನಿ ಮುಕಾರ್ ಶಿಕೊಂಕ್ ಜಾಂವ್ಚ್ಯಾ ಖರ್ಚಾಚೊ ಅಂದಾಜ್ ಕರುನ್ ವ್ಹಡಿಲಾಂಕ್ ಭರೊಂಕ್ ತಾಂಕ್ ಆಸಾಗೀ ಮ್ಹಣ್ ಸಮ್ಜೊಂಚೆ ಬರೆಂ, ನಿರ್ಧಿಷ್ಟ್ ಶಿಕ್ಪಾ ಸಂಸ್ಥೊ ವಾ ವಿಷಯ್ ಮೆಳೊಂಕ್ ನಾ ಮ್ಹಣ್ ನಿರಾಸ್ ಜಾಯ್ನಾಸ್ತಾನಾ ಹೆರ್ ವಿಷಯಾಂತ್ ಅವ್ಕಾಸ್ ಆಸಾ ಮ್ಹಣ್ ಪಯ್ಲೆಂಚ್ ಮತಿಂತ್ ದವರ್ಚೆ ಗರ್ಜ್. ಪ್ರತ್ಯೆಕ್ ಜಾವ್ನ್ ಹೊಸ್ಟೆಲಾಂತ್ ರಾಂವ್ಚ್ಯಾ ವಿದ್ಯಾರ್ಥಿನಿಂ ಖಂಚಾಯ್ ವಾಯ್ಟ್ ಚಾಲಿಕ್ ವಳಗ್ ಜಾಯ್ನಾಸ್ತಾನಾ ಬರೆಂ ಶಿಕಪ್ ಶಿಕೊನ್ ವ್ಹಡಿಲಾಂಚೆ ಸ್ವಪ್ಣಾಂ ಆನಿ ತುಮ್ಚಿಂ ಸ್ವಪ್ಣಾಂ ಜಾರಿ ಜಾವ್ನ್ ಬರೆಂ ಭವಿಷ್ಯ್ ರೂಪಿತ್ ಕರುಂಕ್ ಜಾಂವ್ ತುಮ್ಚೆಂ ಪ್ರಯತನ್, ಅಶೆಂ ಆಮ್ಚೆಂ ಫಿರ್ಗಜೆಚಿಂ ಸಾಳ್ಕಾಂ ಸಮಾಜೆಂತ್ ಉನ್ನತ್ ಪದ್ವೆಕ್ ಪಾವೊಂ ಸಮಾಜೆಂತ್ ಗೌರಾವಾಚೆ ವ್ಯಕ್ತಿ ಜಾಂವ್ ಮ್ಹಣ್ ಮ್ಹಜಿ ಆಶಾ.

- ಡೊಲ್ಫಿ ನಜ್ರೆತ್