ಬೈಂದೂರ್ಚಿಝಳಕ್... ದಿಂವ್ಚ್ಯಾಕ್ ಬೈಂದೂರ‍್ಚಿ ಒಳೊಕ್... ವರ್ಸಾಂ ಆದಿಂ ನವೆಂಬರ್ 25, 2013 ತಾರೀಕೆರ್ ತವಳ್ಚೊ ವಿಗಾರ್ ಮಾ| ಬಾ| ಫ್ರಾನ್ಸಿಸ್ ಕರ್ನೆಲಿಯೊನ್ ಫಿರ್ಗಜ್ ಅಂತಾರ್ಜಾಳ್ ಬೈಂದೂರ್ಚಿಝಳಕ್ ಲೊಕಾರ್ಪಣ್ ಕೆಲ್ಲೊ ದೀಸ್ ಜಾವ್ನ್ ಬೈಂದೂರ್ಚಿಝಳಕ್ ಫಿರ್ಗಜ್ ಅಂತರ್ಜಾಳಿಕ್ ಆಜ್ ಎಕಾ ವರ್ಸಾಚೊ ಸಂಭ್ರಮ್.
ಏಕ್ ಬರೊ ಉದ್ದೇಶ್ ಆನಿ ಆಶಾ ಮನಾಂತ್ ದವ್ರುನ್ ಬೈಂದೂರ್ಚಿಝಳಕ್ ಆರಂಭ್ ಜಾವ್ನ್ ಸಂಪೂರ್ಣ್ ನ್ಹಯ್ ತರೀ ಚಡಿತ್ ಮಾಪಾಚಿ ಯಶಸ್ವಿ ಜೊಡ್‍ಲ್ಲಿಂ ತೃಪ್ತಿ ಜಾಲ್ಯಾ. ಸುರ್ವಾತ್ ಜಾಲ್ಲ್ಯಾ ದಿಸಾಂ ಥಾವ್ನ್ ತವಳ್ಚೊ ವಿಗಾರ್ ಮಾ| ಬಾ| ಫ್ರಾನ್ಸಿಸ್ ಕರ್ನೆಲಿಯೊನ್, ಪ್ರಸ್ತುತ್ ವಿಗಾರ್ ಮಾ| ಬಾ| ರೊನಾಲ್ಡ್ ಮಿರಾಂದ, ಫಿರ್ಗಜ್ ಗೊವ್ಳಿಕ್ ಮಂಡಳಿ, ಪಿರ್ಗಜ್ ಸಂಘ್-ಸಂಸ್ಥೆ, ಗಾಂವಾಂತ್ ತಶೆಂ ಪರ್ಗಾವಾಂತ್ ಆಸ್‍ಲ್ಲ್ಯಾ ಫಿರ್ಗಜ್ ಲೊಕಾನ್ ಆನಿ ಹಿತಚಿಂತಕ್ ಜಾವ್ನ್ ಸರ್ವಾಂಚೊ ಸಹಕಾರ್ ಬರ್ಪೂರ್ ಮೆಳ್ಳ್ಯಾ. ಅಂತರ್ಜಾಳಿಕ್ ಪ್ರಮುಖ್ ಪೋಷಕ್ ಜಾವ್ನ್ ಸಹಕಾರ್ ದಿಲ್ಲ್ಯಾ ಬೈಂದೂರ್ ಕಥೊಲಿಕ್ ಅಸೋಸಿಯೆಶನಾಚೊ ಆನಿ ಇಸ್ತಿಹಾರ್ ದೀವ್ನ್ ಸಹಕಾರ್ ದಿಲ್ಲಾ ಪೋಷಕಾಂಕ್ ಬೈಂದೂರ್ಚಿಝಳಕ್ ಆಜ್ ಎಕಾ ವರ್ಸಾಚಾ ಸುವಾಳ್ಯಾರ್ ಆಸ್ತಾನಾ ಸರ್ವಾಂಚೊ ಉಪ್ಕಾರ್ ಆಟವ್ನ್ ಅಭಾರಿ ಜಾವ್ನ್ ಮಾನ್ ಪಾಟಯ್ತಾ.
ಬೈಂದೂರ್ ಫಿರ್ಗಜೆಕ್ ಮಾಧ್ಯಮ್ ಜಾವ್ನ್ ಫಿರ್ಗಜೆಂತ್ ಜಾಂವ್ಚಿ ಧಾರ್ಮಿಕ್ ಆನಿ ಸಂಘ್-ಸಂಸ್ಥ್ಯಾನಿ ಮಾಂಡುನ್ ಹಾಡ್ಚಿಂ ಕಾರ್ಯಕ್ರಮಾಂಚಿ ವರ್ದಿ ಫಿರ್ಗಜ್ ಲೊಕಾಂಕ್ ಪ್ರತ್ಯೇಕ್ ಜಾವ್ನ್ ಪರ್ಗಾವಾಂತ್ ವಾವ್ರ್ ಕರುನ್ ಆಸ್‌ಲ್ಲಿಂ ಫಿರ್ಗಜ್ಗಾರಾಂ ಆಪ್ಲ್ಯಾ ಮಾಂಯ್ ಗಾಂವ್ ಫಿರ್ಗಜೆಂತ್ ಜಾಂವ್ಚ್ಯಾ ಘಡಿತಾಂಕ್ ಖಂಡಿತ್ ತಿಂ ಆಶೇವ್ನ್ ರಾವ್ತಾತ್ ಹ್ಯಾಚ್ಚ್ ಉದ್ದೇಶಾನ್ ವರ್ದಿ ಆನಿ ತಸ್ವೀರ್ ಜಾತಾ ತಿತ್ಲ್ಯಾ ವೆಗ್ಗಿಂ ಪ್ರಗಟ್ ಕರುಂಕ್ ಚಡಿತ್ ಮಿನ್ಹತ್ ಆಮಿ ಕೆಲ್ಯಾ ಅಸ್ತಾ ಸಭಾರಾಂನಿ ಖಾಸ್ಗಿ ಥರಾನ್ ಆಮ್ಕಾಂ ವಯುಕ್ತಿಕ್ ಗೌರವ್ ಪಾಟಯ್ಲಾಂ.
ಸಾಹಿತ್ಯ್ ವಿಚಾರಾಂತ್ ಬರಯ್ಣಾರಾಂನಿ ತಾಂಚಿ ವಯುಕ್ತಿಕ್ ಕವನಾಂ, ಕಾಣಿಯೊ ಲೇಖನಾಂ ಮಧೆಂ, ಮಧೆಂ ಫಾಯ್ಸ್ ಕರುಂಕ್ ಅವ್ಕಾಸ್ ದಿಲ್ಲ್ಯಾಕ್ ಆಮಿ ತಾಂಕಾ ಅಭಾರಿ ಜಾವ್ನಾಸಾಂವ್, ಮುಕಾರೀ ಅಶೆಂಚ್ ತುಮ್ಚೊ ಸಹಕಾರ್ ಆಶೆತಾಂವ್. ಸಾಹಿತ್ಯ್ ಆನಿ ಇತರ್ ವಿಚಾರಾಂನಿ ಫಿರ್ಗಜೆಂತ್ ಲಿಪೊನ್ ಆಸ್‍ಲ್ಲ್ಯಾ ತಾಲೆಂತಾಕ್ ಮುಕಾರ್ ಹಾಡೊನ್ ತಾಂಚಿ ಝಳಕ್ ಆನಿ ವ್ಯಕ್ತಿ ಪರಿಚಯ್ ದಿಂವ್ಕ್ ಮನಾಂತ್ ಆಸಾ ತರೀ ಫಾವೊತೊ ಸಂಪರ್ಕ್ ಆನಿ ವೆಳಾಚಾ ಅಭಾವಾನ್ ಜಾಂವ್ಕ್ ನಾ. ತರೀ ಮುಕಾರ್ ಹೊ ವಾವ್ರ್ ಮುಂದರುನ್ ವ್ಹರ್ಚಿ ಆಶಾ ಜಾವ್ನಾಸಾ.
ಫಿರ್ಗಜ್ ಅಂತರ್ಜಾಳ್ ಆರಂಭ್ ಕರುಂಕ್ ವರ್ಸಾಂ ಪಯ್ಲೆಂ ತಾಲೆಂತಾಂನಿ ಭರ್‌ಲ್ಲೆಂ ಉರ್ಬೆವಂತ್ ತರ್ನಾಟೆಂ ಕ್ಲಿಂಟನ್ ಡಿ’ಸೋಜಾ ಆನಿ ನೆವಿಲ್ ಫೆರ್ನಾಂಡಿಸ್ ಹಾಂಚೆ ಥಾವ್ನ್ ಪ್ರಸ್ತಾವನ್ ಯೆತಾನಾ ಹಾಂವೆ ಖುಶೆನ್ ಹ್ಯಾ ಅಂತರ್ಜಾಳಿಚೆ ಸುಂಕಾಣ್ ಹಾತಿ ಧರುನ್ ಅಂತಾರ್ಜಾಳಿಕ್ ಜಾಯ್ ಆಸ್ಚೆ ಅವ್ಪಚಾರಿಕ್ ನಿಯಮಾಂ ಸವೆಂ ಆರಂಭ್ ಕರುನ್ ಬೈಂದೂರ್ಚಿಝಳಕ್ ಅಂತರ್ಜಾಳ್ ಡಿಸೈನರ್ ಕ್ಲಿಂಟನಾಚಾ ಆಕರ್ಷಕ್ ವಿನ್ಯಾಸಾನ್, ನೇವಿಲಾಚಿ ಸಲಹಾ ಸೂಚನಾಂ ಆನಿ ಲೊರೆನ್ಸ್ ಫೆರ್ನಾಂಡಿಸಾಚಾ ವರ್ದಿ ಆನಿ ತಸ್ವೀರ್ ಸಂಗ್ರಹಣಾಚಾ ಸಹಕಾರಾನ್ ಬೈಂದೂರ್ಚಿಝಳಕ್ ಮುಂದರುನ್ ಆಸಾ. ಕ್ಲಿಂಟನ್, ನೇವಿಲ್ ಆನಿ ಲೊರೆನ್ಸ್ ತುಮ್ಚ್ಯಾ ವಾವ್ರಾಂ ಮಧೆಂ ತುಮಿ ದಿಲ್ಲ್ಯಾ ಸಹಕಾರಾಕ್ ಅಭಾರಿ ಜಾವ್ನಾಸಾ. ಅಶೆಂಚ್ ತುಮ್ಚೊ ಸಹಕಾರ್ ಮುಕಾರ್ ಅಶೆತಾ. ಮಾಧ್ಯಮ್ ಆನಿ ಪತ್ರಿಕೋದ್ಯಮಾಂತ್ ಆಮಿ ಕಾಂಯ್ ಹೆಳ್‍ಲ್ಲೆಂ ನ್ಹಯ್ ತರೀ, ಆಮ್ಚ್ಯಾ ವಾವ್ರಾಂ ಮಧೆಂ ಪುರ್ಸತ್ ಕರುನ್ ಬೈಂದೂರ್ಚಿಝಳಕ್ ಅಂತರ್ಜಾಳಿಕ್ ಸೆವಾ ದಿತಾನಾ ವರ್ದಿ ವಾ ಸಾಹಿತ್ಯ್ ಉತ್ರಾಂ ಥೊಡಿಂ ಚೂಕ್ ಘಡ್ಲ್ಯಾತ್ ತರೀ ತುಮಿ ಸುಧಾರ್ಸುನ್ ಆಮ್ಕಾಂ ದಿಲ್ಲ್ಯಾ ಸಹಕಾರಾಕ್ ಉಪ್ಕಾರ್ ಆಟಯ್ತಾಂವ್.
ಆಜ್ ಬೈಂದೂರ್ಚಿಝಳಕ್ ವರಸ್ ಆಚರ್ಸುಂಚಾ ಸುವಾಳ್ಯಾರ್ ಲ್ಹಾನ್ ಯಶಸ್ವಿ ಜೊಡ್ಲ್ಯಾ ಮ್ಹಣ್ ಸಂತೊಸ್ ಭೊಗ್ತಾಂ. ಹ್ಯಾ ದಿಶೆನ್ ಪರತ್ ಏಕ್ ಪಾವ್ಟಿಂ ತುಮಿ ದಿಲ್ಲ್ಯಾ ಪ್ರೊತ್ಸಾಹಾಕ್ ಆನಿ ಸಹಕಾರಾಕ್ ಭಾಗೆವಂತ್ ಖುರ್ಸಾಚಿ ಅಶೀರ್ವಾದಾಂ ಆಮಾ ಸರ್ವಾಂಚೆರ್ ಮಾಗೊನ್ ಖುರ್ಸಾ ಸಾವ್ಳೆಂತ್ ಬೈಂದೂರ್ಚಿಝಳಕ್ ನಿರಂತರ್ ಉಜ್ವಾಡ್ ಜಾವ್ನ್ ಉರೊಂಕ್ ತುಮ್ಚೆಂ ಮಾಗ್ಣೆಂ ಜಾಂವ್ ಮ್ಹಣ್ ಆಶೆತಾಂವ್.
- ಡೊಲ್ಫಿ ಬೈಂದೂರ್