[ಸಭಾರ್ ಮನ್ಜಾತಿಚೆಂ ಸಳಾವಳ್ ಮನಿಸ್ ಆಶೆತಾ, ಚಡ್ ಜಾವ್ನ್ ಪೆಟೊ ಮನ್ಶ್ಯಾಕ್ ಚಡ್ ಲಾಗಿಂ ಆನಿ ಪ್ರಾಮಾಣಿಕ್ ಜಾವ್ನಾಸಾ. ಮಾರ್ಗಾರ್ ಭೊಂವ್ಚ್ಯಾ ಪೆಟ್ಯಾಕ್ ಆಪೊವ್ನ್ ಖಾಣ್ ದಿಲ್ಯಾರ್, ಖಾಣ್ ದಿಲ್ಲ್ಯಾ ಧನ್ಯಾಕ್ ಮೊರಾ ಪರ‍್ಯಾಂತ್ ವಿಶ್ವಾಸಿ ರಾವ್ತಾ. ಜೊನ್ಸನಾಚಾ ಕವಿತೆಂತ್ ಧನಿ ಆಪ್ಲ್ಯಾ ಪೆಟ್ಯಾಕ್ ಬಳ್ವಂತ್ ಶಿಪಾಯಾಚಿ ಬಿರುದ್ ದೀವ್ನ್ ಭೊಗ್ಣಾಂ ಉಚಾರ‍್ತಾ.]– ಡೊಲ್ಫಿ ನಜ್ರೆತ್
ಬಳ್ವಂತ್ ಶಿಪಾಯ್
ಬಾಗ್ಲಾ ಲಾಗಿಂ ರಾವ್ತಲೊ
ಹಾಂವೆಂ ದಿಲ್ಲೆಂ ಖಾತಲೊ
ಆಸ್ಲೊಂ ಎಕ್ಲೊ ಸಿಪಾಂಯ್
ವಿಶ್ವಾಸ್ ಹೊಗ್ಡಾಯ್ನಾತ್ಲೊ
ಸರ್ಸರಿತ್ ಮಾರ್ ಘಾಲ್ಯಾರೀ
ಪಾಟಿಂ ಜಾಪ್ ಕಾಡಿನಾತ್ಲೊ
ಥಂಡ್ ರಾವೊನ್ ದೊಳ್ಯಾಂನಿ
ತಾಚಿಂ ಭೊಗ್ಣಾಂ ಸಾಂಗ್ತಲೊ
ಹೆಣೆಂ ತೆಣೆಂ ವೆತಾಂ
ಮ್ಹಜಿ ಪಾಟ್ ಸೊಡಿನಾತ್ಲೊ
ಹಾಂವ್ ತಾಕಾ ಲೆಕಿನಾತ್ಲ್ಯಾರೀ
ಮ್ಹಜೆಂ ಘರ್ ಸೊಡಿನಾತ್ಲೊ
ಘರ್ಚ್ಯಾ ಮನ್ಶ್ಯಾಂಕ್
ತೊ ಜಾಣಾ ಜಾತಲೊ
ಲುಟ್ಕಾರ್ ಚೊರಾಂಚಿ
ಮಾಸಾಂ ಜಾಂಗೆ ಫಾಪ್ಸಿತಲೊ
ಏಕ್ ಮೂಟ್ ಹಾಂವೆ
ಘಾಲ್ಚ್ಯಾ ಉಶ್ಟೆಂ ಶಿತಾಕ್
ತೊ ಮ್ಹಜ್ಯಾ
ಘರಾಂ ಬಾಗ್ಲಾರ್ ಆಸ್ತಲೊ
ಸಾಂಬಾಳಾಚ್ಯಾ
ಮನ್ಶ್ಯಾ ಪ್ರಾಸ್
ಬಳ್ವಂತ್ ಶಿಪಾಯ್.
ಆಜ್ ಮಾತ್ರ್ ಗಾಢ್ ನಿದೆಂತ್
ನಿದ್ಲೊ ಪರ್ಕಿ ಪೆಟೊ
ಉಟೊಂಕ್ ನಾತ್ಲೊ.!