[ಥೊಡೆಂ ಮನಿಸ್ ಜೀವ್ ನಾತ್‍ಲ್ಲ್ಯಾ ವಸ್ತುಂ ಥಂಯ್ ದಾಟ್ ಸಳಾವಳ್ ಕರುನ್ ಭಾವಾನಾತ್ಮಕ್ ಭೊಗ್ಣಾಂನಿ ಚಿಡ್ಕೊನ್ ಆಸ್ತಾತ್ ಆನಿ ತ್ಯೊ ವಸ್ತುಂ ಮೊಗಾನ್ ಸಾಂಬಾಳ್ತಾತ್. ದಿಸ್ಪೊಡ್ಯಾ ಜಿಣ್ಯೆಂತ್ ವಾಪಾರ್ಚೆ ವಸ್ತು ಕಿತ್ಲೆಂ ಪರ್ನೆಂ ಜಾಲ್ಯಾರೀ ವಾ ವಾಪಾರುಂಕ್ ಜಾಯ್ನಾ ತರೀ ತ್ಯಾ ವಸ್ತುಂ ಥಂಯ್ ಆಸ್‍ಲ್ಲೆಂ ಭಾವಾನಾತ್ಮಕ್ ಭೊಗ್ಣಾಂ ಜಿವಾಳ್ ಆಸೊಂಕ್ ಜೊಗಾಸಾಣೆನ್ ದವರ್ತಾತ್. ಥೊಡೆಂ ವಸ್ತುಂ ತಾಚಿ ಗರ್ಜ್ ನಾ ಮ್ಹಣ್ ಕೊನ್ಶಾಕ್ ಮಾರ್ತಾಂವ್. ಮೌನ್ ಮೊನೆ ರುದಾನ್ ಕರುನ್ ಜೀವ್ ನಾತ್‍ಲ್ಲ್ಯಾ ವಸ್ತುಂಚೊ ಭೊಗ್ಣಾಂ ಸಮ್ಜೊನ್ ರೂಪ್, ರೂಪ್ ಭೊಗ್ಣಾಂ ಹಾಡಂವ್ಚಿ ತಾಕತ್ ಜೊನ್ಸನಾಚಾ ಕವಿತೆಂತ್ ಆಟಾಪ್ತಾತ್, ಎಕಾ ಕೊಳ್ಶ್ಯಾಚೆ ಮೌನ್ ರುದಾನ್ ಮನ್ಶ್ಯಾಚಾ ಭೊಗ್ಣಾಂಕ್ ಸಮಾಸಮ್ ಜಾವ್ನ್ ಹ್ಯಾ ಕವಿತೆಂತ್ ಅಶೆಂಯೀ ಭೊಗ್ಣಾಂ ಉದೆಲ್ಯಾತ್.]
– ಡೊಲ್ಫಿ ನಜ್ರೆತ್
ಕೊಳ್ಸೊ
ಗಳ್ಯಾಕ್ ದೊರಿ ಅಂರ್ದೊನ್
ಗುಂಡಾಯ್ ಲೆಕಿನಾಸ್ತಾಂ
ಸಕ್ಲಾ ತಾಣಿಂ ಸೊಡ್ತಾನಾ
ಭಿಯಾನ್ ಕಂಗಾಲ್ ಜಾವ್ನ್
ಬಾಂಯ್ತ್ ಹಾಂವ್ ಆಸ್ತಲೊಂ
ಗಳೊ ಭರ್ ಉದಾಕ್ ಭರುನ್
ಸರ್ಸರಿತ್ ಮ್ಹಾಕಾ ವೊಡ್ತಾನಾ
ಬಾಂಯ್ತ್‌ಲ್ಯಾ ಮುಂಡಾಕ್ ಲಾಗೊನ್
ಸಗ್ಳೆಂ ಆಂಗ್ ಮ್ಹಜೆಂ
ವಯ್ಲ್ಯಾ ಕಾಟ್ಯಾಕ್ ಪಾವ್ತಾ
ಮ್ಹಣಾಸರ್ ಫಾಪ್ಸಾತಲೆಂ
ಮಯ್ಲಾಂನಿ ಮಯ್ಲಾಂ ಪಯ್ಸ್ ಆಸ್ಚ್ಯಾ
ಜಾಕೊಬಾಚ್ಯಾ ಬಾಂಯ್ ಸಾರ್ಕಿ
ಗಾಂವಾಕ್ ಏಕ್ ಬಾಂಯ್ ತರಿ
ಅಕ್ರೆಚ್ಯಾ ತೆಂಪಾಕ್ ಝರ್ ಸುಕ್ಲ್ಯಾರಿ
ಬಾಂಯ್ತ್‌ಲ್ಯಾ ಥಳಾಕ್
ಪಾಂಯ್ ಧಾಡಾವ್ನ್ ತರೀ
ಉದಾಕ್ ಎಕ್ಟಾಂಯ್ ಕರ್ತಲೊಂ
ನಿತಳ್ ಝರಿಚೆಂ ಉದಾಕ್
ತೆದಾಳಾ ಹಾಂವೆಂ ಹಾಡ್ಲೆಂ
ಪಿಯೊನ್ ತಾನ್ ಭಾಗಯ್ಲಿ
ಹ್ಯಾ ದಿಸಾಂನಿ ಮಾತ್ರ್
ಮ್ಹಾಕಾ ವಳ್ಕಾನಾಸ್ತಾಂ
ಪೊರ್ನೊ ಕೊಳ್ಸೊ
ಉಪ್ಕಾರಾಕ್ ಪಡಾನಾತ್‌ಲ್ಲೊ ಮ್ಹಣ್
ಮ್ಹಾಕಾ ವಿಸ್ರೊನ್ ಗೆಲಿಂ..!