By ByndoorchiZalak, 23 Nov 2013
ದುಬೈ: ಯು.ಎ.ಇ.ಂತ್ ಆಸ್‍ಲ್ಲ್ಯಾ ಸರ್ವ್ ಕೊಂಕ್ಣಿ ಸಂಘಟನಾಂ ಮಧೆಂ ಆರಂಭ್ ಜಾಲ್ಲೊ ಬೋವ್ ಮಾಲ್ಗಡೊ ಸಂಘಟನ್ ಬೈಂದೂರ್ ಕಥೊಲಿಕ್ ಅಸೋಸಿಯೇಶನ್ ರುಪ್ಯೋತ್ಸವ್ ಸಂಭ್ರಮಾಚಾ ಹುಂಬ್ರಾರ್ ಆಸಾ. ನವೆಂಬರ್ 22 ತಾರೀಕೆರ್ ಮಾಂಡುನ್ ಹಾಡ್‍ಲ್ಲ್ಯಾ ಸಂಘಟನಾಚೆ ಪಿಕ್ನಿಕ್-2013 ಆಚರಣ್ ಕರ್ಚ್ಯಾ ವೆಳಾ ರುಪ್ಯೋತ್ಸವ್ ಜುಬ್ಲೆವ್ ವರ್ಸಾಕ್ ಸುರ್ವಾತ್ ಜಾವ್ನ್ ಬಿ.ಸಿ.ಎ. ಸ್ಥಾಪಕ್ ಸಾಂದ್ಯಾಂಚಾ ಹಾತಿ ಥಾವ್ನ್ ಬಲೂನಾಂಚೊ ಘೊಸ್ ಆಕಾಸಾರ್ ಉಬವ್ನ್ 25ವೊ ಜುಬ್ಲೆವ್ ವರ್ಸಾಚಾ ಸಂಭ್ರಮಾಕ್ ಸಾಂಕೇತಿಕ್ ಸುರ್ವಾತೆಚೆ ಕಾರ‍್ಯೆಂ ಚಲ್ಲೆಂ.
ಕಾರ‍್ಯಾಚಾ ಸುರ್ವೆರ್ ರೊನಿ ಬೈಂದೂರಾನ್ ಬಿ.ಸಿ.ಎ. ಸಂಘಟನಾಚೆ ಮಟ್ವಿ ಝಳಕ್ ಮುಕಾರ್ ದವರುನ್ ಸಂಘ್ ಘಡೊಂಕ್ ಸುಲಭ್ ಪುಣ್ ಸಂಘಟನಾಚೆ ಬರೊ ಉದ್ದೇಶ್ ಆನಿ ಧ್ಯೇಯ್ ಸಾಂಬಾಳ್ನ್ ಸಂಘಟನ್ ಮುಂದರುನ್ ಹಾಡ್ಚೊ ಮುಖ್ಯ ಜಾವ್ನಾಸೊನ್ ಬಿ.ಸಿ.ಎ. ಆಪ್ಲೊ ಧ್ಯೇಯ್ ಆನಿ ಉದ್ದೇಶ್ ಜಿವಾಳ್ ದವರುನ್ ಆಜ್ ಯಶಸ್ವಿ ಚೋವಿಸ್ ವರ್ಸಾಂ ಸಂಪವ್ನ್ ರುಪ್ಯೋತ್ಸವ್ ಜುಬ್ಲೆವಾಚಾ ಹುಂಬ್ರಾರ್ ಆಸ್ತಾನಾ ಹೊ ಅವ್ಕಾಸ್ ಫಾವೊ ಕೆಲ್ಲ್ಯಾ ಪಾತ್ರೊನ್ ಭಾಗೆವಂತ್ ಸಾಂತ್ ಖುರ್ಸಾಕ್ ಅರ್ಗಾಂ ಪಾಟವ್ನ್ ಸರ್ವಾಂನಿ ಗೀತ್ ಗಾಯ್ಲೆಂ. ಸಂಘಟನ್ ಆರಂಭ್ ಕರುಂಕ್ ಕಾರಣ್ ಜಾಲ್ಲ್ಯಾ ಸ್ಥಾಪಕ್ ಸಾಂದ್ಯಾಂಚೊ ಉಗ್ಡಾಸ್ ಕಾಡುನ್, ಸಾಂಗಾತಾ ಸಂಘಟನಾಚಾ ಯಶಸ್ವೆಕ್ ಎದೊಳ್ ಮ್ಹಣಾಸರ್ ಸೆವಾ ದಿಲ್ಲ್ಯಾ ಹುದ್ದೆದಾರಾಂಕ್, ಸಾಂದ್ಯಾಂಕ್, ಪಾಟಿಂಬೊ ದಿಲ್ಲ್ಯಾ ಫಿರ್ಗಜ್ಗಾರಾಂಕ್ ಆನಿ ಹಿತಚಿಂತಕಾಂಕ್ ಉಲ್ಲಾಸುನ್ ಬಿ.ಸಿ.ಎ. ತರ್ಫೆನ್ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ.