24 July, 2019
ಮೊಗಾಳ್ ಫಿರ್ಗಜ್ಗಾರಾಂನೊ, ಜೂನ್ 3 ತಾರೀಕೆರ್ ಬೈಂದೂರ್ ಫಿರ್ಗಜೆಕ್ ಪಾಂಯ್ ತೆಂಕ್‍ಲ್ಲ್ಯಾ ಸಂದರ್ಭಿ ಮ್ಹಾಕಾ ಬರೊ ಯೆವ್ಕಾರ್ ಮಾಗ್‍ಲ್ಲ್ಯಾ ತುಮ್ಕಾಂ ಮ್ಹಜೆ ಧಿನ್ವಾಸ್. ಹ್ಯಾ ಫಿರ್ಗಜೆಕ್ ನವೊ ಯಾಜಕ್ ಜಾವ್ನ್ ಯೇವ್ನ್ ಫಿರ್ಗಜ್ ಅಂತರ್ಜಾಳಿ ಥಾವ್ನ್ ಸಂದೇಶ್ ಪಾಟಂವ್ಕ್ ಘಳಾಯ್ ಜಾಲಿಂ ತರೀ ತುಮಿ ಮ್ಹಜೆ ಥಂಯ್ ದಾಕಯಿಲ್ಲೊ ಮೋಗ್ ಆನಿ ಅಭಿಮಾನ್ ಸದಾಂಚ್ ಮ್ಹಜ್ಯಾ ಕಾಳ್ಜಾಂತ್ ಜಿವೊ ಆಸಾ. ಪಾಟ್ಲ್ಯಾ ಸಭಾರ್ ವರ್ಸಾಂ ಥಾವ್ನ್ ಬೈಂದೂರ್ಚಿಝಳಕ್ ಫಿರ್ಗಜ್ ಅಂತರ್ಜಾಳ್ ಭೋವ್ ಬರ‍್ಯಾ ರಿತೀನ್ ನಿರ್ವಹಣ್ ಕರ‍್ನ್ ಫಿರ್ಗಜೆಂತ್ಲಿ ಘಡಿತಾಂ ವೆಳಾರ್ ವಿದೇಶಾಂತ್ ಆಸ್‍ಲ್ಲ್ಯಾಂಕ್ ಪಾವಿತ್ ಕೆಲ್ಲ್ಯಾಕ್ ಬೈಂದೂರ್ಚಿಝಳಕ್ ಪಂಗ್ಡಾಕ್ ಉಲ್ಲಾಸಿತಾಂ, ತುಮಿ ದಿಲ್ಲ್ಯಾ ಖಳ್ಮಿತ್ ನಾತ್‍ಲ್ಲ್ಯಾ ವಾವ್ರಾಕ್ ಚೆಪೆಂ ಉಕಲ್ತಾ. ಪಾಟ್ಲ್ಯಾ ದಿಸಾಂನಿ ಫಿರ್ಗಜೆಂತ್ ಜಾಲ್ಲಿಂ ಸರ್ವ್ ಕಾರ್ಯಕ್ರಮಾಂ ಬೈಂದೂರ್ಚಿಝಳಕ್ ಅಂತರ್ಜಾಳಿ ಥಾವ್ನ್ ಫಿರ್ಗಜ್ಗಾರಾಂಕ್ ಕಳಿತ್ ಜಾಂವ್ಕ್ ಹಾಂವ್ ಪಾಟಿಂಬೊ ದಿವ್ನ್ಂಚ್ ಆಯ್ಲಾ. ತುಮ್ಚ್ಯಾ ಸರ್ವ್ ವಾವ್ರಾಕ್ ದೆವಾಚಿ ಆಶೀರ್ವಾದ್ ಮಾಗೊನ್ ಮ್ಹಜೆ ತರ್ಫೆನ್ ಭರ್ಪೂರ್ ಸಹಕಾರ್ ಭಾಸಯ್ತಾ. ಪಾಟ್ಲ್ಯಾ ಮಹಿನ್ಯಾಂತ್ ಘರ್ ಬೆಜ್ಮೆಂತಾದ್ವಾರಿಂ ಫಿರ್ಗಜ್ ಕುಟ್ಮಾಂಚಿ ವಳಕ್ ಜಾಲಿ. ಲೊಕಾಂಚೊ ಮೋಗ್ ಆನಿ ಹುಸ್ಕೊ ನಿಜಾಕೀ ಹೊಗ್ಳಿಕೆಚೊ. ಮ್ಹಜೆ ಸಂಗಿ ವಾವ್ರ್ ಕೆಲ್ಲ್ಯಾ ಸರ್ವ್ ಗುರ್ಕಾರಾಂಕ್ ಆನಿ ಬರೊ ಸ್ವಾಗತ್ ದಿಲ್ಲ್ಯಾ ಫಿರ್ಗಜ್ ಕುಟ್ಮಾಂಚಾ ಸರ್ವ್ ಸಾಂದ್ಯಾಂಕ್ ಹಾಂವ್ ಅಭಾರಿ ಜಾವ್ನಾಸಾ. ಫಿರ್ಗಜ್ ಜಿವಾಳ್ ಆನಿ ಕಾರ್ಯಾಳ್ ದವರಿಜಾಯ್ ಮ್ಹಳ್ಳೆಂ ಆಶಾ ನವೊ ವಿಗಾರ್ ಮ್ಹಣ್ತಾನಾ ಸಹಜ್, ದೆಕುನ್ ಮುಕ್ಲ್ಯಾ ದಿಸಾಂನಿ ಗೊವ್ಳಿಕ್ ವಾವ್ರಾಕ್ ಚಡ್ ಆದ್ಯತಾ ದಿಂವ್ಕ್ ಪ್ರಯತನ್ ಚಲ್ತಲೆಂ. ವಿವಿಧ್ ಸಂಘ್-ಸಂಸ್ಥ್ಯಾಕ್ ತರ್ಭೆತಿ ಮಾಂಡುನ್ ಹಾಡ್ನ್ ಫಿರ್ಗಜ್ ಜಿವಾಳ್ ಕರುಂಕ್ ಪ್ರಯತನ್ ಚಲ್ತಲೆಂ. ಆಮ್ಚಿಂ ಮುಕ್ಲಿಂ ಗೊವ್ಳಿಕ್ ಯೋಜನಾಂ ದಸೆಂಬರ್ ಮಹಿನ್ಯಾ ಪರ‍್ಯಾಂತ್ ಹ್ಯಾ ಪರಿಂ ಆಸಾತ್:- ಗೊವ್ಳಿಕ್ ವಾವ್ರಾ ಸಂಗಿ ಹೆರ್ ಭರ್ಪೂರ್ ವಾವ್ರ್ ಫಿರ್ಗಜೆಂತ್ ಆಸಾ. ಭಾಗೆವಂತ್ ಖುರ್ಸಾಚಾ ಆಧಾರಾನ್ ಆನಿ ತುಮ್ಚ್ಯಾ ಸಹಕಾರಾನ್ ಸರ್ವ್ ಸಾಧ್ಯ್ ಜಾತಲೆಂ ಮ್ಹಣ್ ಭರ್ವಸೊ. ಸರ್ವ್ ಫಿರ್ಗಜ್ಗಾರಾಂಕ್ ಆನಿ ಪರ್ಗಾವಾಂತ್ ವಾವ್ರ್ ಕರ್ತೆಲ್ಯಾ ಸರ್ವ್ ಮ್ಹಜ್ಯಾ ಭಾವಾ-ಭಯ್ಣಿಂಕ್ ದೆವಾಚೆ ಆಶೀರ್ವಾದಾಂ ಮಾಗ್ತಾಂ, ದೇವ್ ತುಮ್ಕಾಂ ಬರ‍್ಯಾ ಭಲಾಯ್ಕೆಂತ್ ಸಾಂಬಾಳುಂದಿ ಮ್ಹಣ್ ಆಶೆತಾ. ತುಮ್ಚೆಂ ಥಂಯ್ ವಿಶ್ವಾಸಿ, ಬಾ| ವಿನ್ಸೆಂಟ್ ಕುವೆಲ್ಲೊ
1. ಅಂತರ್ ಧರ್ಮೀಯ್ ಸಮಿತಿ.
2. ಯುವಜಣಾಂಚೊ ದೀಸ್ ಆಚರಣ್.
3. ಆಲ್ತಾರ್ ಭುರ್ಗ್ಯಾಂಚೊ ದೀಸ್ ಆಚರಣ್.
4. ದೇವ್ ಸ್ತುತೆಂತ್ ತರ್ಭೆತಿ.
5. ಭಾರತೀಯ್ ಸಂವಿಧಾನ ವಿಶಿಂ ಶಿಕೊವ್ಣ್.
6. ಉದೇವ್ನ್ ಯೆಂವ್ಚ್ಯಾ ಮುಕೆಲ್ಯಾಂಕ್ ತರ್ಭೆತಿ.
7. ಪವಿತ್ರ್ ಪುಸ್ತಕಾಚೊ ದೀಸ್ ಆಚರಣ್.
8. ಹೈಸ್ಕೂಲ್ ಆನಿ ಯುವಜಣಾಂಕ್ ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ತರ್ಭೆತಿ.
9. ಕ್ರಿಸ್ತಾಂವ್ ಶಿಕ್ಷಣ್ ಶಿಕ್ಷಕಾಂಚೊ ದೀಸ್ ಆಚರಣ್.
10. ಬಾಪಯಾಂಚೊ ದೀಸ್ ಆಚರಣ್.
11. ಮಾಧ್ಯಮ್ ಮಿತ್ರಾಂಚೊ ಸಹಮಿಲನ್.
12. ವಾಡ್ಯಾ ಜಮಾತೆಂತ್ ಬೈಬಲಾಚಿ ಸಮ್ಜೊಣಿ ದಿಂವ್ಕ್ ಮಿನ್ಹತ್.
ವಿಗಾರ್, ಭಾಗೆವಂತ್ ಖುರ್ಸಾಚಿ ಫಿರ್ಗಜ್, ಬೈಂದೂರ್.