By ByndoorchiZalak, Pics: Lawrence Fernandes, 01 Jan 2023
ಬೈಂದೂರ್: 2022 ವರ್ಸಾಂತ್ ದೆವಾನ್ ದಿಲ್ಲ್ಯಾ ಸರ್ವ್ ಉಪ್ಕಾರಾಕ್ ಧಿನ್ವಾಸ್ ಪಾಟವ್ನ್ ದೇವ್ ಮಾತೆಚಿ ಪರಬ್ ಆನಿ 2023 ನವ್ಯಾ ವರ್ಸಾಕ್ ಯೆವ್ಕಾರ್ ಮಾಗೊನ್ ಫಿರ್ಗಜೆಚಾ ಸರ್ವ್ ಲೊಕಾನ್ ಭಕ್ತಿಪಣಿಂ ಪವಿತ್ರ್ ಸಂಭ್ರಮೀಕ್ ಮೀಸಾಚೆ ಬಲಿದಾನ್ ಭೆಟಯ್ಲೆಂ. ಜೆಪ್ಪು ಸೆಮಿನೆರಿಚೊ ಪ್ರಾಧ್ಯಾಪಾಕ್ ಮಾ| ಬಾ| ಜೊಸ್ವಿನ್ ಡಿ’ಸೋಜಾ ಭೆಟವ್ಣೆಚೆ ಪ್ರದಾನ್ ಯಾಜಕ್ ಜಾವ್ನ್ ಸಾಂಗಾತಾ ವಿಗಾರ್ ಮಾ| ಬಾ| ವಿನ್ಸೆಂಟ್ ಕುವೆಲ್ಲೊ ಆನಿ ಮಾ| ಬಾ| ಕಿರಣ್ ನಜ್ರೆತಾನ್ ಸಂಭ್ರಮೀಕ್ ಮೀಸಾಚೆ ಬಲಿದಾನ್ ಭೆಟಯ್ಲೆಂ. ೨2023-2024 ವರ್ಸಾಕ್ ನವ್ಯಾನ್ ಚುನಾಯಿತ್ ಜಾಲ್ಲ್ಯಾ ಫಿರ್ಗಜ್ ಮಂಡಳಿ ನವ್ಯಾ ಹುದ್ದೆದಾರಾಂನಿ ವಿಗಾರಾಚಾ ಮಾರ್ಗದರ್ಶನಖಾಲ್ ಪ್ರಮಾಣ್ ವಚನ್ ಕರುನ್ ಹುದ್ದೊ ಸ್ವೀಕಾರ್ ಕೆಲೆಂ. ಐ.ಸಿ.ವೈ.ಎಮ್. ಸಾಂದ್ಯಾನಿ ಮೀಸಾಚೆ ಲಿತುರ್ಜಿ ಚಲಯ್ಲೆಂ.
